SAAMUNƆ 141:2-8

²Ǹ tó ma aduakɛna ká n kiia lán tuaetiti tɛ́sukpɛ bà. Ǹ tó ma ↄ dↄna musu gↄ̃ dɛnnɛ sa uusiɛ ona ũ.

³Dii, ǹ lɛ́sↄ damɛ ma lɛ́nɛ, ǹ tó mà a lɛ́ fↄ̃.

⁴Ǹton tó yã zaaa ma swɛ̃̀ gáɛro, lɛ màton kakↄ̃a kↄ̃n zaakɛrinↄ ń yãzaakɛna guuro, lɛ màton ń pↄ́ nnaanↄ bleńyoro.

⁵Tó gbɛ̃ maaa ma lɛ, à gbɛ̃kɛɛ kɛ̀mɛmɛ! Tó à kpã̀kɛ̃mazi, mɛ́ gíziro, nↄ́si kↄ̃n a kpɛ̃̀omɛ. Mɛɛ̀gↄ̃ adua kɛɛ baabↄrɛ lɛ gbɛ̃ zaaanↄ yãkɛna gboro.

⁶Tó wà ń gbãadeenↄ kà sĩ̀sĩgoo wɛ̀ɛn, zaakɛrinↄ é sí kɛ̀ ma yã bé à nna.

⁷Lán wè yàka para à bùu fãakↄ̃a nà, lɛn aↄ̃ wá égↄ̃ fãakↄ̃ana ń mirawɛɛ lɛ́a lɛ.

⁸Dii Luda, ḿbe ma wɛ́ɛ dↄnzi, ma nanzi, ǹton ma kpá gaaziro.