Gesami Hea:su 65:7-13

⁷Di da hano wayabo bagade ea gobe amola hano gafulubi bagade amo ouiya:lesisa. Amola fifi asi gala dunu ilia gugulubi amo ouiya:lesisa.

⁸Osobo bagade fifi asi gala huluanedafa da Dia hahamoi liligi ba:beba:le, fofogadigili aligisa. Osobo bagade fifi asi gala huluane, la:idi bega: asili la:idi bega:, da Dia hahamoi amo ba:le, nodone wele sia:sa.

⁹Di da osobo bagade soge amoma gagagulasu hou olelema:ne, gibu iaha. Di da soge noga:le nasegagima:ne hamosa. Di da hano logo amo hanoga nabalesisa. Di da osobo amo hulu ha:i nasu bugili iasisa.

¹⁰Di da agoane hamosa. Di da gibu bagadedafa amo osobo gidinaiga soga:sisa. Amola ilia da nanegai dagoi ba:sa. Di da osobo dasama:ne, sasafi gilisisa. Amasea, ha:i manu waha heda:be, amo noga:le heda:sa.

¹¹Dia hou noga:idafa da gamisu bagadedafa ninima iaha. Di da habi ahoasea, amogai da ha:i manu osea:idafa ba:mu.

¹²Ohe fofole nasu soge huluane da ohe wa:i amoga nabai gala. Agolo la:idi soge amoga hahawane hou da nabai.

¹³Ohe fofole nasu soge da sibi amoga dedeboi dagoi. Fago da widi sagaiga nabai. Liligi huluanedafa da hahawaneba:le, ha:gi wele sia:sa amola gesami hea:lala.