22Is kegkesevuta te hustu, iyan ked-isipa zuen te menge pereudseb is iring te tudà te wahig he ebpekeveǥey te untung su ebpekepeluǥayad te untung te etew, iyan, is tinulebung he menge vaal, iyan igkesiluti te menge tulebung.
23Is uluwanen he etew, edhuna ebpurung ed-isip-isip ne human egkaǥi, umbe utew egkesuati te ebpemineg is ibpenurù din.
24Is menge lalag he meupiya he ebpemineǥen, ne iring te teneb is kegedgezama ta zuen diyà te ǥehinawa ta ne ebpekevawì kenita.
25Duen dalan he kunaan te etew ke meupiya he ed-ikulen, iyan, diyè bes ebpekepevayà te kemetayen.