Eks 14:5-14

⁵Areme e Jius bakin iji abevo e Jius iji bu e mamkanuk vuak buna kuaime bu uri afasor ijiebuon ise rene mun tua kaniakuai kuain.

⁶Bu ijeg kuaivga afasor iji bu vuak iji faime bun subinai ar Raikonia ijia vain. Bu va ijia usem ar ukakna kafo Raikonia guf ijia bu kia Ristra ko Debi kuaivo ijia ga ar kafo madu Raikonia samaij ijia oknum Godon vuak ma iji abe e iji kuardiain.

⁸Regavo e be ar Ristra ijia fino iji ik bu nafenva ijia fuka aikirain revo fuba koikfuon diak oinon.

⁹E iji fu Foron vuak iji fain ijefuon For fu gak e iji fu vuak fuon ma vierafega fu e iji keunakafa vierafene uri e iji nikajame uruvana igia kua, Ni uri koikon arin manine kuain. Areme e iji fu uri furik ajieme fun koikfuon oin.

¹¹For fu ijegrega e fok bu izeg fu renma iji game uri Raikonia buon isama ijia kuaime kume, God fok bun ema igegrene una e igi ari nuvuon ruainvano kumen.

¹²Bu ijeg kumene uri ifdiame Banabas bu ime Zeus kuaga For bu Emesno kuain ijefuon maiji For vuak fok abe e iji kuardiainma ijefuon bu ijeg kuain.

¹³Bu ijeg ifdiame e isuf baroino be fu god Zeuson ar bu sirimamekuai mai samaij ijia sainva iji samuamo ijar sinar ga maf-kau aferdia vien gufia ruain. Ijefuon maiji fu e fok ijiena bu e afasor ijiebuon isuf barokuai vierafen.

¹⁴Bu ijegreoijga For ko Banabas bu vuak iji faime uri ugon buon kam buja koreme kukubija e fok bu afuinva uf ijia ura vaknum kume, E igi ja irerafuon ijegrejno kumen. Bu kume, Noiji nom ema e igi jaikin revo no irerafuon ruainva iji no Godon vuak ma iji abe ja kuardiaga ja ire ise ijekin iji ja arega oi karoime una God iji nivek fino ijia fuon vakuai no iji ruain. Regavo God ijar moikigi ga varur gufi ga saof gami amarme ire fok amarme ijia uniain.