MII GUN MIINU MO 14:5-14

⁵Dhali ki monṯẖa’th jin ṯẖa’thkina uni ’peni ’kwani kun ’koki ta ’Kwani Yahuuda/ mo tani dhali ’peni ’Kwani Yahuuda/ ilu/ nyaḵki tap̱am buni mo mmosor uni ki shi/ kagahara mo dhali mmo’kosh uni ki wosh mo tani

⁶uni mishki gwo ’ban mo dhali son mo tagi Pa Lika/uniyya mo dhali Pan Listra mo dhali Pan Darba mo dhali kukul mo is mo.

⁷Dhali e mun mo tani uni ṯorki gwom ’borga/ mo be.

⁸Dhali e Pan Lisṯra mo tani wathiŋ kamu/ c̱a’bki’d jin dumpulki ya ki sho’k piti ki ŋwol ’peni bwaŋ kum jin diki ya ki sho’k me’d ’de/ ki sule/ mo.

⁹A’di yan ciḵki’da Buulus mmo/o gwo mo tani mmohila a’di a’di ka ’thime/ mo dhali mmomisha a’di ki a’di ta gi moŋgam gwo is mo mmowac̱u a’di mo tani

¹⁰a’di o gwo ki dhan ’twa/ ki: Doshi ki mis ki sho’k pini mo ma. Dhali a’di p̱e’di mis mo dhali yaki’d mo be.

¹¹Dhali ka waambuhany ’kwani p̱arki mii yan e mo jin miikin ma Buulus mo tani uni ’de’kki ’twam buni mo mmo/o gwo ki ’twaŋ ’Kwani gi Pa Lika/uniyya ki: Arum iiyini bwam ana ki jamas gi ’kwaniny’cesh mo.

¹²Dhali uni yuḵkina Barnaaba gway ka Sap̱s mo dhala Buulus yuḵa uni ka Hermas mo haali/ a’di ta tap̱a jin ṯori gwo mo.

¹³Dhala gasiis ma Sap̱s jin ta gi gu’b jin luŋu to jin di’di ’twaman bampa/ mo tani a’di ’doyi’da morbip̱ mo dhali jisarro/ mo e ’twaŋkala goŋ mo dhali a’di midi ’taki miiya basa ’cesh nyaḵka waambuhany ’kwani mo.

¹⁴Hili ki imandhunu ki she/ mo kun ta iBarnaaba dhala Buulus mo, ciḵki gwo gom a’di mo tani uni dherki burrinyem buni bwa mo dhali p̱eni bwaman ma waambuhany ’kwani mo dhali cuu ki dhan ’twa/ kun caaca mo