Ekisidasi 20:12-20

¹²Mu va lavatia sa tamamu meke sa tinamu, gua asa si kote koa va gelenae si goi pa popoa sapu kaqu poninigo Rau.

¹³Meke mu variva mate.

¹⁴Meke mu barabarata.

¹⁵Meke mu hiko.

¹⁶Meke mu zutu kokoha ia si keke tie.

¹⁷Meke mu okoro nia goi sa vetu tanisa keke tie, sa nana barikaleqe, sari nana pinausu koreo na vineki, sari nana kurukuru, meke sari nana doṉ'ki, babe kaiqa toṉa pule saripu tagoi sa tie.”

¹⁸Ego, sipu avosia ri na tinoni sa paka na avoloṉanana sa buki, meke dogoria rini sa malakapina sa kapi, meke sa tuṉahana sa toqere, si matagutu na neneqara sisigiti, meke turu pa seu si arini.

¹⁹Meke zama la koe Mosese si arini, “Mamu zama koa gami meke kote va avoso si gami, ba mani lopu zama toṉoto mae koa gami sa Tamasa, sina kote mate si gami,” gua si arini.

²⁰Meke olaṉa se Mosese, “Mi lopu matagutu. Na hiva va sosodea mo Tamasa sapu pude pamaṉa nia gamu si Asa, meke lopu makudo va tabea gamu si Asa, meke lopu kaqu tavete va sea si gamu,” gua.