Exodo 20:12-20

¹²“Patgen yos da ama en ina yo ta say omando di biyag yo sin daga ay idawat ko en dakayo.

¹³“Adi kayo manpespese.

¹⁴“Adi kayon daddaagen di baken yon asawa.

¹⁵“Adi kayon mangak-akew.

¹⁶“Adi kayon mantistigo ay man-etek.

¹⁷“Adi kayon gamgamgaman din beey di ib-a yo, din asawa na, baa na, baka ya dangki na ya odom pay ay sanikwa na.”

¹⁸Manpayegpeg din ipogaw si egyat da idi dengngen dan kido ya tanggoyob dowan dan ilaen din kimat ya omas-asok ay dontog, isonga adi da sinmag-en sin dontog.

¹⁹Et kanan da en Moses, “Olay sik-a et di makikali en dakami et laton ay patien mi. Basta baken si Diyos tan adi pay matey kami.”

²⁰Ngem kanan Moses ay nanongbat, “Adi kayon emegyat tan inmali si Diyos ta ilaena mo tet-ewa ay patien yos sisya ya itoltoloy yo ay manongpal sin bilina ta adi kayon manbasol.”