Dad Fngewe 26:16-26

¹⁶I to là mayè mimò, man nawan too kenen fulung fa di balù fitu lagi fulung tmimel.

¹⁷I to flabet di ksugak i landè kenen labet nun gaslokan, salngad gaslok i satu to smabà klinge i ayem.

¹⁸I to mgaw i demen to, na kafnge én manan alò kenen sfuba, nungusasean, salngad i to book agafan i tek gamfati.

²⁰Landè gugadlug kdinè i lifoh ku landè dutungan, na i ksugak landè gugadlugan ku landè kalsalék.

²¹Là mati bala lifoh ku nun using, na là mati kdinè lifoh ku nundutungan, na là tlag i ksugak ku nun mayè sugak.

²²I kastugad salék, too kanbayan fanlinge i dad to, di dale salngad i knaan too fye neman na too fye nawala mlodun.

²³Ku nun man i satu to, na bay ise én mnè di nawan fangawan idemen to, salngad i to mimò tibud tanà fangawan i demen to, du di kimoandun alò di lwà too fye baweh, bay di lam sasè i bawehan.

²⁴I to flingu muni i nun knang nawan fagu di fye taluan, bay busekan di nawan i kafgawan demen to.

²⁵Balù too fulung kenen talù, nang ge faglut di kenen, du too fnò i nawan i knang nawa.

²⁶Fakay sa ku laan fdilè nun knang nawan, bay i dad sasè nimoan teen i kdee.