Dad Fngewe 18:1-10

¹I to ku én alò fandaman gufye i kenen kto, laan magin di balù tan i fye fandam i dademe.

²I to là fulung faldam, laan mayè gamlabat, bay aloan kayè fdag i gnadean.

³Ku gamsalà i satu to, nun knang na kadoy kenen, na ku malmo dengeg i satu to, alò kyà samnagin kenen.

⁴I dad gman i to fulung faldam gumwè i dademe kfulungla, na too mngalam gambet i mahin, na too fye gambet kaloh i yéél.

⁵Là sa fye ku i to gal mukum msen di to nun salà, na là fakay ku laan banlé kagalwà i to landè salà.

⁶I talù i to là fulung faldam, én gutambù i ksugak, na tatian mimò i tdukan.

⁷I gafalmo i to là fulung faldam, dunan i dad galan gman, na mfawel sa mdà di kenen dad talù.

⁸I kastugad salék too kanbayan fanlinge i dad to, di dale salngad knaan too fye i neman na too fye nawala mlo dun.

⁹I to malwe mimò, salngad ksasè i to gal falmo.

¹⁰Dwata salngad i bong mgal gumnè i gal gumila i dad to matlu, du fye giwas ale di sasè.