Cantar de los Cantares 8:1-10

¹Be, an-sus-gargwenadina yeerbana, an-nangi be nuugusmogana yeerbana. Degina, igarba an be-abingunonikidgi an be-ibe wagar uoenad, dule gwen anga akar sogosulinad.

²Argangi-gasa an be-imakoenad, an-nan-negse an be-sedoenad, agine, sabgued-igargi be an-odurdakoenad. Vino-wawadikidgi be-ogobega an be-imakoenad, an-nur-granada-nisgi an be-ogobbaloenad.

³Bitigi, e-sakwa-sapiled an-nono-urba mesisana gadin. Bitigi, e-sakwa-nueddi angaagwar an-imakena gadin.

⁴Omegan-Jerusalénʼginmalad, an bemarga ise-wilegagwar soged: “Melle be an-ome-nue-sabesailad an-ibe odakmalo, Melle be ese gormalo, na atakbiedba atakdagoed.”

⁵¿We doa negsulidganba e-sui-gukingi birikwaa-mai-akas nakwedaniki? Sui-nue-sabgulediid namaked Manzana-sapi-urba, an be-odaksad. A-sapi-urbali, be-nan nunmakedgi be-odenoniki gusad.

⁶Be-gwagegine an-sedii be gue. Be-swidagine an-wilub narmakar be sedii imake. Ar sabgued-e-ganguedi burgwed-igaryobid, gege dule e-igar gaed. Suibina-soglegedi, sulibinsa emar-imaked. Sabgued-itolegedi, soo-dummad-gwabunyemaiyob itoleged. Bab-Dummad deyob imaksad.

⁷We-sabgued-sooyobidi, dii-dummadi gege oginned, diwarmarbela gege we-sabgued obelobalid. Dule-gwensak sabgued-bakega, bela e-ibmar-nikad ukdele, we-dulegi dodoledoed.

⁸Anmar-bun senigwad, amba yoo e-nuu mullugudaged. Dule anmarse nikuega egisdanikile, ¿igi anmar abin sogosunna?

⁹Ar galu-matusulidyob-guena, anmar e-birgi nega-dummad-manibiid soboenad. Ar yawagakga-guena anmar urwala-e-urgo egi nasikoenad.

¹⁰An galu-matusulidyob gued, ar an-mam, neg-suigan-warbo-gwichiyob gued. Agala, an-sui-nue-sabesailadga, an gwage-bogidikid uked.