SOLOMON ENA ANE 8:1-10

¹Bema oi na lau taihugu, sinagu ratana e inuava tauna, ariara ai baitama hedavari bena bama harahumu, bona ta ese basinema ihi-ihiraigu.

²Sinagu ena ruma ai, e havaragu hahinena ena daiutu ai, bama hakaumu vareai. Vine ranuna mai muramurana bama henimu, egu rimono ranuna bama ha-inulaimu.

³Imana laurina amo bema hahekwinagu, imana idibana amo bema rosigu.

⁴Ierusalem kekenimui e, na haḡanimuimu, uraheni na basio haoa, ela bona sibona baine noga. *****

⁵Una na daika, tano ḡaḡaena amo e maimu, ena lalokau tauna enai e tabe kaumu? ***** Apolo auna henunai na haomu; unuseni ai sinamu e hekamonaiva, unuseni ai e havaramu hahinena na hisi e aniva.

⁶Toagu avatoa lalomu ai, toagu avatoa imamu ai. Lalokau ena goada na mase ena goada heḡereḡerena, bona mama ena daḡedaḡe na mase gabuna ena daḡedaḡe heḡereḡerena; ena ḡaraḡara na lahi ḡaraḡarana na heto, ena siahu na lahi hururu-hururuna siahuna na heto.

⁷Ranu momo ese lalokau basie habodoa diba; utu-utu badadia ese basie utua dae diba. Tau ta ese ena taḡa idoinai bema heni dudu kau, lalokau davana, to basinema heḡereḡere; bema dadaraia vaitani. *****

⁸Tadimai ta do asi ratana. Tadimai ede baia durua toma, tau ta ese baine herevalaia negana ai?

⁹Ia na bema magu, silver amo baia ha-aukaia; bema iduara, sida reireidia amo baia koua ahu. *****

¹⁰Lau na maḡu, ratagu na kohoro na heto; e herevalaigu tauna vairanai lau na maino imailaina. *****