Bugagia Bidibo Kolesagade Po Asęai Buku 21:3-9

³Dago te wiegi yai doloba pai kolesaga wali pao. Te Godigo gedude te tobage kolesagago te dago agaba ofa mabo te aiyaba mu elalubo dao.

⁴Te dwai kolesaga ebo bidi dabego te sę me edu, tama sesemane hagoma yaibao. Tama tiyu, te augwa bidibo ula doliyu, te dwai sęgo pągąnalubo dao.

⁵Te sę ebo bidi dabego te bugagia homu kone palama, te sę yaibao, tama peyu, te augwa sę wiegi yai pedelama, tama augwa doado bage hauwa elaluaibao. Tiali goli, te bidi dabego sę subigila asesa yainogo eyu da, teda augwa te sę wiegi yai me pedalisiąma, tama augwali te doado bage sǫą paibao.

⁶Tama te bidigo tibo kolesaga wali peyu, te doado bage hauwa sobaso da, teda aga te isabo sunumide bidibao. Tama te bidigo mone me doado bage te dagalude pǫ te pęwadage sogo naga elalubo tiwai elama, tama te mu tigidali sia sabo dao.

⁷Te dwai kolesaga ebo bidi dabego te wiegi yai kolesaga ebo hagela homu ebo dao. Augwaligo te gasa bidi dabe dolobo sę idu gebo dao. Tama tialima, augwa te kolesagago digi te augwa silabo sę ebo dao.

⁸Te dwai sę ebo bidigo te tibo kolesaga yali. Tiali goli, te magi dwai sę me isąwani bidi dabe, augwaligo te doloba pai kolesaga yaibao.

⁹Te bidi agaduba deli te be pedude dulaluali bidi da, te kolesagago te be tomode te wado po wabo me te po hauwa wabo we dali bidibo kolesaga te aiyaba elalubao.