Atos 22:26-30

²⁶Henduvame ganhi'ig̃a soldado'ga hoi javo gwuvihavuhu'ga pe. —Terenupãukara'javi ti ga! A'ereki ga romanoramo oko, ei ga.

²⁷A'ero garuvihavuhu'ga ruri Paulo'ga pyri. —Enhimombe'u katu ji ve. A'iti romanoramo nde rekoi? ei ga ga pe. —A'ea ko ji, ei Paulo'ga ga pe onhimombe'gwovo.

²⁸Igwete ga ei Paulo'ga pe: —Na jitehe ko ji romanoramo. A'ereki he'yjuhu reki ji imondoi itambere'ia a'ea rehe ikwehe, ei ga ga pe. —Ji namondoi tuhẽ itambere'ia hehe, ei Paulo'ga. Jiruva'ga ko romanoramo. A'ea jitehe ko ji a'ero, ei ga ga pe.

²⁹Nanime g̃a jipe'ai Paulo'ga hugwi – kiroki g̃a onupã gwerevi ga tomombe'u ti ga okote'varuhua javo. Igwete soldados'g̃a nduvihavuhu'ga e'i: —Romanoramo reki ga oko, ei ga. Mbaria po ji ga kwarukateheuhui ra'e! ei ga okyhyjiavo.

³⁰Ko'emame soldados'g̃a nduvihavuhu'ga ei: —Ma gara judeus'g̃a omboja Paulo'ga rehe naerũ? ei ga. Tahendu ti g̃anhi'ig̃a ikwahava, ei ga. Igwete ga judeus'g̃a mog̃itahara'g̃a mbojatykaukari. G̃a jatykapavame mbatera kwava'ẽhara'g̃a nduvihava'g̃a jara'g̃a pavẽi, kiro ga Paulo'ga kwaharavukari ga reruruka ga mo'ama g̃apyteri pe.