Hechos 22:26-30

²⁶Pero conda e capitán uyubꞌi e ojroner era ixin wacchetaca tuaꞌ uyare e comandante militar y che: —Awiric tamar lo que war abꞌijnu ache taca e winic era porque jaxir jax inteꞌ ciudadano romano, che e capitán.

²⁷Entonces ixin e comandante militar esto tiaꞌ cachar e Pablo tut e teꞌ y uyubꞌi tuaꞌ y che: —¿Net ca ciudadanoet tama e Roma? che e comandante militar. Y e Pablo che: —Nen.

²⁸Entonces ojron otronyajr e comandante militar y che: —Pues nen insati meyra tumin tuaꞌ inquetpa ciudadano romano, che e comandante militar. Y e Pablo che: —Pero nen bꞌan taca cuxpen, cocha bꞌan nitata ubꞌan, che e Pablo.

²⁹Y conda e soldadobꞌ era xeꞌ quetpobꞌ tuaꞌ uwatzꞌiobꞌ ani e Pablo uyubꞌi que jaxir jax inteꞌ ciudadano romano, bꞌactobꞌ jaxirobꞌ taca e comandante militar umen que chꞌar umenerobꞌ tama e cárcel. Porque ma erer ajajtzꞌa y nien ma erer oꞌsena macuir e cárcel inteꞌ ciudadano romano jay merato axin tut inteꞌ tribunal bꞌajxan.

³⁰Entonces tama inteꞌ día e comandante militar, cocha cꞌani unata tucꞌa tamar war utuchꞌiobꞌ e Pablo tunor e winicobꞌ tuaꞌ e Israel era, jaxir uyare tuaꞌ aloqꞌuesna e cadena tama e Pablo y uyare tunor e nuquir winicobꞌ tama e Israel y tin e uwinquir e inmojr sacerdotiobꞌ y e nuquir concilio tuaꞌ umorojse ubꞌobꞌ. Entonces e comandante militar ulocse Pablo y uturbꞌa tut tunor e nuquir winicobꞌ era tuaꞌ acꞌotoy unata tucꞌa war anumuy tama tunor era.