APOSOLO 22:26-30

²⁶Loko lokaiyoko, ujapa wemamo ujapa we napa maya nebotoka woko lo miye. Aya weya Lomu we wehe loko nenako, nenaha oetatune loko noelene.

²⁷Loko lokaiyoko, ujapa we napamamo Poloda maya woko sa-loko loka oetaiye: Olo, emoya Lomu we minape. Loko liyoko Polomamo oo loko liyoko,

²⁸ujapa we napamamo sa-loko liye: Nemoya aito ebatoti minoboya ehada napa molokodanaki Lomu we lolo obo maya ne. Loko lokaiyoko, Polomamo sa-okaninako, nemoya Lomu mika aholalimo etaibo we maya minoe.

²⁹Loko lokaiyoko, Poloda maya kohatune liki sabo maya enemane iki hulitae. Sakiya hulitikayoko, ujapa we napamamo Polo maya Lomu we minoe loko libokumuya Poloda ilo adelo nala jebokumuya omodala wiye.

³⁰Sa-okaiyoko, udikiki go maya lokaiyoko lowa ujapa we napamamo Juda wewenasiya Poloda kohatune liki ilo adelo nala jebomidana monawa maya elituwe lokadanaki Omaitoka jokila hi mikaka abo we napaki kanisolenipolekiya ju lokaiyoko, muki nisiki li esa ikayoko, Poloda maya nala maya wina itikiki ilimi-liki hetoka limiki muki wewenasida dowisanipolo maya ilimi sinitae.