Aposolo Jaŋere Binaŋ 22:26-30

²⁶Iŋuc mume micne‐jeŋiczi soŋaŋ sâkorao rarâ âzâcnerâ muwec, “Weniŋuc ezo? Ŋic e Romaŋic fârine.”

²⁷Mume soŋaŋ sâkozi Paulorao rarâ wiocnerâ muwec, “Go muc, go jâmbomac Romaŋic fârine?” Eme Paulozi muwec, “I jâmbomac.”

²⁸Mume soŋaŋ sâkozi ʒiŋuc muwec: “No ŋic jabanezi moneŋ bocjaha rope kitâcnume Romaŋic jâmbâŋ epo.” Eme Paulozi muwec, “No ine fufua‐nane Romaŋic fuapo.”

²⁹Eme izia Paulo wiac ecnezo mumbiŋ i behembiŋ. Momori soŋaŋ e ine, Paulo e Romaŋic, iŋuc manarâ, no wemocte ŋic iŋucne kâpâcwâru bapac muhuc fâfârewec.

³⁰Hae fureme momori soŋaŋ sâko e Judaŋic jaŋe Paulo wemo wiacte mana sâqorecnembiŋ irec fuŋne jâmbâŋ manaocte taha bapa micne â micne guru furu jaha ejareme tumaŋnembiŋ. Ehame Paulo jowa hurâ tutumaŋ‐jeŋicko râewec.