26Wen di aafisa yehr dis, ih hori gaahn da di komanda ahn seh, “Da weh yoo di du? Dis man da wahn Roaman sitizn.”
27Di komanda gaahn schrayt da Paal ahn aks ahn seh, “Tel mi, yoo da wahn Roaman sitizn?” Paal tel ahn seh, “Yes, Ai da wahn Roaman sitizn.”
28Di komanda seh, “Wel, Ai mi pay wahn lata moni fi bee wahn Roaman sitizn.” Bot Paal tel ahn seh, “Ai baan wahn Roaman sitizn.”
29Di man dehn weh mi wahn beet Paal ahn kweschan ahn bak aaf sayhn taim. Di komanda ihself mi fraitn wen ih riyalaiz seh dat ih put wahn Roaman sitizn eena chaynz.
30Now di komanda mi reeli waahn noa fi sertn da wai di Jooz dehn mi deh afta Paal. Soh ih tek aaf di chayn dehn ahn ih aada di cheef prees dehn ahn di hoal Kongsl fi kohn tugeda. Den ih bring Paal fronta dehn.
Di Aks 22
Di Aks 22:26-30