'At 5:1-12

¹Tik 'ãxet'ax 'Ãnãnĩn, xi' xetut 'ãxet'ax Xapit, tu yãy yõg hãm hãmenex,

²ha' nõmenex, tu tayũmak paha', tu mõ'pot, tu' yãg xaptop, tu' yãg nõy paxnũn mõ'pok xop hah, Yã mõ'ãmã', hu: —Yã tayũmak xohix, yã' kux, 'ap nõy xip'ah. Kaxĩy. Ha' xetut te yã' koit yũmmũg, tu mõ'ãmã kamah.

³Pa Pet te: —'Ãnãnĩn, tep tu xate Hãmgãyãgnãg yõg hãm'ãktux 'ãpak, tu 'ãyĩpkox xip nõm hãm'ãktux kummuk pu'? Yã Topa Koxuk pu yã' koit, tu tayũmak yãgnãg xaptop, tu' yĩy 'ohnãg!

⁴Hahãm 'õgnũ, xix tayũmak xohix 'õgnũ'. Putep mũn pe'ãpaxex 'ãkuxa kopah? Xate tikmũ'ũn pu' koit'ah, pa Topa mũn pu' koit. Kaxĩy.

⁵Ha' xupak, tu hãm tu' nãhã', tu' xok xe'e', ha nõm te' xupak kuxãnõg xexka'.

⁶Tik xiptap te 'Ãnãnĩn kĩy topixxax hã, tu mõ'tat, tu nõ hãpkot.

⁷Ha 'ot 3 nõg, 'ĩhã' xetut mõ'nãhã', 'ap te yĩpxox xok'ax yũmmũg'ah,

⁸ha Pet te: —Pu, 'ãyĩy. 'Õgnũ hahãm yõg tayũmak xohix te xĩy? Kaxĩy. Ha: —Hamũn. Yã tayũmak xohix, 'ap nõy xip'ah. Kaxĩy.

⁹Pa Pet te: —Tep tu 'ãyĩpxox te koit, xix 'ãmũn? 'Ok Topa Koxuk pu' koit, nũy nõ gãyã'? 'Ũxupax: Tik te 'ãyĩpxox nõ hãpkot, tu ta' nũn, tu nũ', tu mõ'ãtat putup kama hãptopa'. Kaxĩy.

¹⁰Pet te hãm'ãktux kux, 'ĩhã' xetut te hãm tu' nãhã', Pet pata yĩka' nãhã', tu' xok, ha tik xiptap nũn, tu' pẽnãhã', tu hãptopa mõ'tat, tu' yĩpxox yõkãmã' xe nõ hãpkot.

¹¹Ha' kuxa mãm ka'ok xop kuxãnõg xexka', ha tikmũ'ũn xohix te' xupak, tu kuxãnõg kamah.

¹²'Ũkuxa mãm ka'ok xop te yãy tu nũ'nãhã' Topa pet kux kaxax kaka hah, ha' kux kaxax 'ãxet'ax Xanomãm yõg, ha Yeyox yõg mõ'pok xop te hãpxopmã ka'ok xe'ẽgnãg tikmũ'ũn kopah, puyĩ' pẽnã',