'At 3:4-14

⁴Ha tik 2 te' pẽnãhã', tu' pẽnã ka'ok, tu: —Hẽnã'! Kaxĩy.

⁵Ha tik te hãpkumep hok te' pẽnã ka'ok, nũy hãpxop 'ũm pa'.

⁶Ha Pet te hãm'ãktux, hu: —'Ap pip'ah tayũmak, 'ũyã xa hãpxop 'ũm nõy hõm. Yã Nãyane yõg Yeyox Kunnix tekmũ'ã yãy 'ãxet'ax hõm, 'ũ 'ãxat, hu: 'Ãpu, 'ãk-nĩhã xihip, nũy hãpkumep! Kaxĩy. Tu' yĩy'ax hã' hittupmãhã'.

⁷Tu' yĩpxe'e mũg, tuk-nĩhã' xip, ha' nõy yok mõ'ka'ok, tu' kup ka'ok xi' pata ka'ok,

⁸tu' hittup xexka', hu: Pũn, pũn, pũn, kaxĩy, tu Topa 'ãktux max.

⁹Ha tikmũ'ũn te' pẽnãhã', tu hãpkumep pẽnãhã', tu Topa 'ãktux max 'ãpak,

¹⁰tu tik tupmãhã yũmmũg, hu hãm'ãktux, hu: —'Ãmnĩy xohix hã' yũm, tu ta tu' xak Topa pet xexka mõ'yĩnnĩn'ax 'Ũmax tu'! Kaxĩy. Tu' yẽy.

¹¹Ha tik te Pet yãy kep hã' mũg, xix Yoãm, ha tikmũ'ũn kuxãnõg, tu' nũn, tu yãy tu nũ'nãhã', Xanomãm yõg hãptopa hãmyĩkox tu yãy tu nũ'nãhã',

¹²ha Pet te tikmũ'ũn pẽnãhã', tu hãm'ãktux, hu: —'Iyaet yõg tihik: Teptu 'ãkuxãnõg, tuk pẽnã ka'ok? Putep pe'ãpaxex? 'Ak mũg ka'ok'ah, 'ak mũg max xe'e'ah, nũy tik hittupmã'.

¹³Mõnãyxop hittap 'Amanãm yõg Topah, xix Mõnãyxop 'Iyak yõg, xix Mõnãyxop Yako yõg Topah, xix mõnãyxop xohix yõg Topah, yã Topa te' yõg Kãmãnat Xe'ẽgnãg Yeyox xexkanã xe'ẽgnãg, pa 'ãxop tep-tup nõg, tu' puknõg xop ha' mõgãhã'. Pinat pa te hãmyũmmũg, tu' xut putup, pu mõg, pãyã xatep-tup'ah.

¹⁴'Ũmax xe'ẽgnãg Yeyox, pãyã xatep-tup nõg, hu Pinat tu' xak, pu tik kummuk xut 'ũyãnãn tu', pu mõg, nõm te' nõy putex.