7Âkecnuhuc herândiŋnume mâreŋko fohuc dâŋ wiwira kecʒiŋuc manapo: ‘Saulo, Saulo, go wemocte nu jâpec enarehuc jukomec?’
8Eme noni mupo, ‘Wofuŋ go mo?’ Mupe ʒiŋuc nazawec: ‘Nu jâpec enareekic Jesu Nazarete haeonec no hâcne.’
9Ŋic nohec jumbiŋ jaŋe ʒoc tatamac sawa honembiŋ, dâŋ nazawec ine mi manambiŋ.
10Eme no wiohuc mupo, ‘Wofuŋ, no wemo epemurâ munarekomec?’ Mupe Wofuŋzi ʒiŋuc nazawec: ‘Go faharerâ Damasko haeo ratec wiac ecmurâ mugarekicne i gazaniŋmu.’
11Eme ʒoc tatamaczi ʒâŋe‐nane âke hâpowecte fipe dapâc eme ŋicfâc‐nane jaŋe menaneo rorâ Damasko haeo bacnu rambiŋ.
12“Hae ira ŋic moc juwec ʒâŋene Anania, e sâcmutâc dâŋ aimuŋ bâninipehuc jume Judaŋic hae ijaha jumbiŋ jaŋe ʒeŋgoma ere manapie biaŋkewec.
Aposolo Jaŋere Binaŋ 22
Aposolo Jaŋere Binaŋ 22:7-12