Gehegehedira 22:7-12

⁷Mi nau tu tumu horu tana pari mu rongovia na manga te ghaghua vaniu, ‘Saul, Saul! ?E ghua ge o niu ghighirou?’

⁸“Mi nau tu bosa, ‘?Ahei ighoe, Lord?’ “Me ghaghua vaniu, ‘Inau Jesus ni Nazareth, to niu ghighirou!’

⁹Na tinoni tara niu udukolu tara righia na marara, mara mua rongovi vakalea na mangana ahei te kokoe vaniu.

¹⁰Mu huatia, ‘?Na hava ku gonia, Lord?’ “Ma Lord te ghaghua vaniu, ‘Ko tughuru mo ko tona i Damascus, ko righia siki sakai ke tughunitatea vanigho na hava God te goni dilaa vanigho.’

¹¹Inau tu mua reirei na pukuna na rarangana na marara, mana ghagua na udu tara tabea na limagu mara huliu vaa Damascus.

¹²“Tana komu keri sakai na tinoni na ahana Ananias, gaia na tinoni taluutuni te taoni vetena mara talumavaa na lei Jew tara ghahara iga.