Aposolo Jaŋere Binaŋ 15:27-31

²⁷Eme ŋic bâwosâec‐jofambeneŋ Juda â Sila, jahe fârâ dâŋ i miczi wâc ŋazapire mananʒepieŋ.

²⁸Tiri Mâro â nâŋe tagi gâcne moc mi ʒuhuckehuc wiac kecʒiŋuc sawa ine râe‐ŋarenaŋte mumockembeneŋ:

²⁹Ŋoŋe nemuɋâŋte taha bâzi â qowisoc â qowi bituakicne â sasec boe sau i râpecke sanaŋkenʒepieŋ. Biaŋne junʒepieŋ.”

³⁰Eme kikefuŋ jaŋe ŋic i hâcne jaza mâzoc ejarepie rambiŋ. Raku Antiokia haeo fisirâ opâ ruac guru hetumaŋ‐joparâ papia jarembiŋ.

³¹Jarepie wose manac erâ âgodâŋ qâreŋke‐jarembiŋ irec bujeŋic biaŋkewec.