1 Lengte 7:35-51

³⁵Khom todal chung chun akol akivei khat khao tobang in aum in, tongkeh khat ahung sang doh e, chutengle khom todal chunga aki bunading leh amai tomna ho jong chutikhat bang in akisem thai.

³⁶Akibuna ding amai dungleamai tomna dunga jong chun aman Cherubim lim holeh kei pi bahkailim semnan chule tum thing phunglimho semnan amang in, adolle adol lou dung juijin asem in, akimvel’a chun pahcha jeng asem peh in ahi.

³⁷Chujou vin hitobang asemchaisoh phat in a khom todal somasem in abon cha chu kibang cheh aki lhajol ahin, alet le aneo jong akibang in alimle agong jong aki bangcheh e.

³⁸Kisilna ding jong sum-eng kongsomkhat asem in kisilna kongkhatcheh chun tui tena somli adolin, kisilna kongkhat cheh chu tonglialhing cheh in, khom todal khatcheh ding chun kisilna kongkhatakikoije.

³⁹Chuin khom todal chengsechu atung doh sohkei jin, houinlhanglama chun khomtodal ngaaphut in houin sahlam a jongkhomtodal nga ma aphutdoh e, chule lhanglam nisolam houinninga chun tuikong chu adon ahi.

⁴⁰Hiram chun belho jong leilonaho jong tuibel hojong asemsohkeije, hitihin Hiramin Solomonlengpa panpina Pakai Houin sahnading chungchanga atohpeh dingjousechuabonchanatongsohheltan ahi.

⁴¹Khompi teni ahin, khompi tenitomna dinga alujum kisem teni ahinchule alujum leiteni tomna dingasum-eng chaokol jilla kijil teniahin, lenchapeh a kipheh khompiteni lutomna kimang teni jong ahin,

⁴²Lencha pheh banga kipheh tenidinga kisem kolbuthei pah tobangjali jen ahin, khompi teni lutomnading’a kibol Lencha pheh banga ki pheh khat cheh a pang dia golni’a

⁴³Khomtodalchengseahinkhomtodal chunga pang ding tuibelsom jong ahi.

⁴⁴Chujongle tuikong khat ahin, hiche tuikong kisem noija chunbongchal somleni lim akiseme.

⁴⁵Bel ahin leilona ho ahin, kisilnakongho ahin Pakai insunga kimangkongle bel jouse hi Hiram in Solomon lengpa dinga ana sema, sum-eng jeng’a ana lheh ahi.

⁴⁶Jordan vadung pang phaichamlah a Succoth le Zerethan kikah abel lei kimuna dinga chu Lengpa’nana lheh ahiye.

⁴⁷Kongle bel atam behseh phatin Solomon in tetoh louvin abanumsah gam tan ahi, hijeh chun sum-eng chengse chu ijat monga gih hiding ham ti hetdoh lou in aum doh lotai.

⁴⁸Solomon in Pakai houin sungamanchah ding thil le lo asemchengse chu hicheng hi ahi, sanamaichamahin, kilhainadingchanglhah todoh na ding dokhang ahin,

⁴⁹Sana thengsella kisem thaomeikhom ahin, insung dan mun thengmaija akitung in lhanglam nganabah nga akitung in, sahlam nganbah nga ma aki tung’e, pahcha limkisemle thaomei ho ahin, cheichechengse chutoh ahin, sana jong ahiuve.

⁵⁰Akhom chengse le thaomei jengchengse toh, kisilna kong hole gimnamtui halna cheng ahin, khangbeljong ahin, aboncha chu sana jeng’akisema ahi, chu jongle mun theng chung nung pen kitilai houin dan sung nung penna kotpi dunga akot bil ding jong sana jeng ahin hou in lailunga kotpi kil jouse jong sana mama ahi cheh e.

⁵¹Hitobang hin Pakai houin sahna chung changa Solomon lengpan abol ding jouse chu abol doh tan aki chaisoh heltai chu jong leh Solomon chun apa David nin ana kat dohsa thil jouse ahin polut pai pai jin dangka jong, kongle bel jouse jong abonchan Pakai houin sunga thil kholna insunga akhol khom sahtan ahi. Thingkong Houin Sunga