1 KINANƆ 8:24-29

²⁴N yã kũ n a lɛ́ sɛ̀ n zↄ̀bleri ma de Daudanɛɛ pàpa. N ò kũ lɛ́omɛ yã, gbãra sà n pàpa.

²⁵Tera sà Dikiri Isarailanↄ Luda, n lɛ́ sɛ̀ n zↄ̀bleri ma de Daudanɛ n pì, tó a burinↄ ń zĩda kũna dↄ̃ akũsↄ̃ ò tɛ́ n zɛ́n lákũ à tɛ́i nà, onigↄ̃ kú Isaraila kpatan gↄrↄ sĩnda pínki.

²⁶Isarailanↄ Luda, ǹ tó yã kũ n ò n zↄ̀bleri ma de Daudanɛ kɛ yãpura ũ sà.

²⁷Ama Luda, ĩnigↄ̃ kú zĩtɛ la yãpuran yá? Musu kũ a leikɛo ni fↄ̃ à n síro, bele kpɛ́ kũ ma bònnɛ díkĩna sàa?

²⁸Dikiri ma Luda, ǹ laakari dↄ makũ n zↄ̀bleriia, ǹ ma aduakɛna kũ ma kutɛkɛnao sí. Ǹ sã kpá ↄ́ kũ makũ n zↄ̀bleri matɛn dↄnyĩi kũ adua kũ matɛn kɛmmao gbãra.

²⁹Ǹ tó n wɛ́ gↄ̃ pɛna kpɛ́ díkĩnaa gwãani kũ fãnantɛ̃o, gu kũ n pì n tↄ́ nigↄ̃ kúa díkĩna pìi. Ǹ adua kũ makũ n zↄ̀bleri madì kɛ arɛdↄna gu día ma.