1 Ioanes 5:13-21

¹³Iau a here a ngava nga lakene mua e huriki mu luhoi torea a rana Tuna Vure, mu gu lohoka vona mu tahoka a nimahuri vakaroro.

¹⁴Na tahuna si takia vona tara maki, pali a maki si nana vona i ramai a ningaru vona, si lohoka vona bara i longo.

¹⁵Na naro iea, si lohoka vona i longo a ninana ne hita. A ra maki si nanea vona, bara i habi kunanea.

¹⁶Na tahuna mu matai e turane hita tara i rata a naro hale, ra i uka ma i vakabele a matenga, mu vasileki vona, lakea a Vure ge habi a nimahuri vakaroro vona. Pali e huriki ranga, a naro hale ri ratea bara i vakabele a matenga. I uka ma a taki mu gu vasileki ne huriki ngi.

¹⁷A naro hale lobo ri hale. Pali a naro hale ranga i uka ma ri vakabele a matenga.

¹⁸Si lohoka vona e huriki a tuna Vure i uka ma ri ramai tabu a naro hale. E Satan i keri ni padoi ria, a vuhuna a Tuna Vure i matakari ria.

¹⁹Hita e huriki a ngate na Vure. Pali e huriki ranga, a nitora ne Satan i matakari ria.

²⁰A Tuna Vure i valai, i vakapalala a gine hita, si gi lohoka vona a Viri Muholi. Si rihia e Tuna, re Isu Kristo, a Bakovi Muholi. Ia a Vure Muholi. Ia a vuhuna a nimahuri vakaroro.

²¹Mua e huriki e tugu, mu malele ha na maka vure taminga.