1 Hadì 7:13-20

¹³Duen pandey he tig-Tyre he egngezanan ki Huram. Impesinuǥung si kandin ni Hadì Solomon

¹⁴su utew sikandin metau he pandey te menge putew. Anak sikandin te valu he vahi he ebpuun diyà te tribu ni Naftali, ne tig-Tyre is amey zin, he menenalsal zaan te menge putew. Midhendiyà si Huram te ki Hadì Solomon ne mibeelan din is langun he impeveelan kandin.

¹⁵Mibaal si Huram te zezuwa he tukud he menge brunsi, ne is kada sevaha zutun 27 he ǥiek is kelayat din ne 18 he ǥiek peliǥuy is kezekelè din.

¹⁶Mibaal zaan sikandin te zezuwa he brunsi he id-ulu zutun te menge tukud, he is kada sevaha pitu wey tengà he ǥiek is kelayat din.

¹⁷Is kada sevaha zutun te id-ulu mideyzeyanan te pitu he midrara he kedina,

¹⁸ne zuen midruwing duen he zezuwa he linya te prutas he pumigranata.

¹⁹Is kegkeveeli zuen te menge in-ulu te menge tukud diyà te varkun henduen be te menge vulak he liryu, ne heenem he ǥiek is ketikang dan.

²⁰Is kada id-ulu zuen te zezuwa he tukud mibpeliǥuyan te zezuwa he linya te midruwing he prutas he pumigranata. Heini he zayandayan diyà te divavew he vahin duen te id-ulu, avey zuen te mid-iring te kedina.