1 Lengte 7:13-20

¹³Solomon Lengpan Hiram kitipachu Tyre a kona hung dingin ahil inahi.

¹⁴Hiram hi Israel mi Naphtaliphungakonameithaikhatchaahin, apa hi Tyre a kona sum-engkhenthem mi ahi, ama chu sum-engkhenna lama thepgilna le boltheinathilpeh chang’a ahin, ama chuahung in Solomon lengpa dinginthihna tohna lam jouse tohpehdingin apang tan ahi.

¹⁵Hiram in sum-eng a kisemkhompi ni jen aaphut in, khompikhat cheh chu asan dan tong somleget alhing’e, akhom kolkimvel chutong som le ni ahin, ahi.

¹⁶Hiche aman tong nga a sangkhum lujum ni akhengin, khompi teni chunga tun dingin sum-eng kilha jol maman asem in ahi.

¹⁷Khompi jouse luvuma jopnadingin sum-eng gui kipheh bang inni apheh in akijem in ahi.

¹⁸Chujongle aman khompi tehojep hoi nadingin, kolbuthei pah limgolni jong a semin, anajem in ahi.

¹⁹Khomlujum lutna asunglam chulily pahcha lim tobang in akijemin, chule asan chu tong li a sao chehin ahi.

²⁰Khompi lujum ki sem tenichunga kolbuthei pah jani gol niin akigol kimvellin, aning langahchun lencha pheh banga kiphehsum-eng gui kiveina komma chunakitat doh e.