ᤖᤥᤔᤡ 7:16-24

¹⁶ᤜᤧᤰᤁᤩᤠᤱ ᤀᤡᤱᤃᤠ᤹ ᤆᤥᤃᤢᤱᤒᤠ ᤐᤠ᤺ᤴᤏᤡᤴ ᤋᤠᤵᤑᤧ᤺ᤶᤒᤠ ᤆᤥ᤺ᤰ ᤑᤠ᤹ᤀᤠᤱ ᤏᤡ᤺ᤛᤢᤱᤏᤧ ᤑᤠ᤹ᤃᤪ ᤛᤠᤶᤕᤥᤌᤡᤶᤔᤡᤴ ᤏᤢ᤺ᤒᤠ ᤆᤥ᤺ᤰ ᤗ᤹ᤖᤡᤰ ᤋᤧᤴᤍᤡᤱ ᤆᤥᤃᤢᤱᤒᤠ ᤐᤥ᤺ᤱᤗᤥ॥

¹⁷ᤂᤧᤸᤗᤧ ᤆᤥᤃᤢᤸᤗᤧ. ᤀᤠᤸᤗ ᤜᤧᤰᤁᤣ ᤁᤧᤈᤥ᤺ᤰᤐᤧᤴ ᤀᤡᤱᤃᤠ᤹ ᤔᤧ᤺ᤴ. ᤁᤖ ᤀᤡᤱᤃᤠ᤹ᤀᤥ ᤁᤧᤘᤠ᤹ᤒᤠ ᤗᤠᤕᤥ᤺ᤸᤗᤧ ᤆᤥᤃᤢᤒᤠᤖᤥ॥

¹⁸ᤌᤣᤀᤠᤱᤓᤧᤸᤗᤧ ᤗᤠᤕᤥ᤺ᤸᤗᤧ ᤁᤢᤎᤡᤶ ᤘᤠ᤹ᤀᤠᤒᤠᤸᤗᤧ ᤀᤡᤱᤃᤠ᤹ ᤀᤠᤛᤢᤳᤏᤠᤀᤥ ᤌᤣᤀᤠᤱ ᤏᤢ᤺ᤒᤠ ᤐᤠ᤺ᤴ ᤜᤥ᤺ᤵ ᤑᤠ᤹ᤀᤠᤱ ᤁᤢᤛᤡᤱ ᤏᤡ᤺ᤳᤋᤢᤱᤗᤥ॥ ᤜᤧᤰᤁᤣᤗ᤹ᤖᤡᤰ ᤀᤡᤱᤃᤠ᤹ ᤏᤢ᤺ᤒᤠ ᤐᤠ᤺ᤴᤜᤠ᤹ ᤆᤥ᤺ᤰᤔᤠ ᤏᤡᤱᤘᤠ᤹ ᤁᤳᤋᤢᤱᤛᤠᤱ ᤆᤥ᤺ᤰᤔᤠ ᤔᤧᤛᤢᤰᤁᤠᤴᤗᤥ॥

¹⁹ᤌᤣᤀᤠᤱᤓᤧᤸᤗᤧ ᤏᤢ᤺ᤒᤠ ᤐᤠ᤺ᤴᤜᤠ᤹ ᤆᤥ᤺ᤰᤔᤠ ᤏᤡᤱᤘᤠ᤹ ᤆᤥᤃᤢᤱ. ᤂᤧᤴ ᤔᤧᤈᤥ᤺ᤰᤁᤠᤴ. ᤁᤖ ᤋᤠᤵᤑᤧ᤺ᤶᤒᤠ ᤐᤠ᤺ᤴᤜᤠ᤹ ᤔᤧᤴᤈᤥ᤺ᤰᤔᤠ ᤏᤡᤱᤘᤠ᤹ ᤆᤥᤃᤢᤱᤒᤠᤴᤏᤧ ᤆᤥᤃᤢᤱᤗ ᤘᤠ᤹ᤀᤠᤖᤥ॥

²⁰ᤜᤧᤰᤁᤣᤗ᤹ᤖᤡᤰ ᤀᤡᤱᤃᤠ᤹ ᤔᤧᤴᤈᤥ᤺ᤰᤔᤠ ᤏᤡᤱᤘᤠ᤹ ᤆᤥᤃᤢᤱᤒᤠ ᤐᤠ᤺ᤴᤜᤠ᤹ ᤆᤥᤃᤢᤱᤏᤧ ᤑᤠ᤹ᤃᤪ ᤁᤴ ᤁᤧᤈᤥ᤺ᤰᤐᤠᤱᤃ ᤀᤡᤱᤃᤠ᤹ ᤔᤧ᤺ᤴ. ᤁᤖ ᤀᤡᤱᤃᤠ᤹ᤀᤥ ᤁᤧᤘᤠ᤹ᤒᤠ ᤗᤠᤕᤥ᤺ᤸᤗᤧ ᤜᤧᤰᤁᤣ ᤆᤥᤃᤢᤒᤠᤖᤥ॥

²¹ᤀᤰᤂᤣᤗ᤹ᤖᤡᤰ ᤁᤴ ᤌᤡᤶᤔᤡᤸᤗᤧ ᤕᤠ᤺ᤶᤒᤰ ᤆᤥᤃᤢᤒᤠ ᤀᤡᤱᤃᤠ᤹ ᤏᤡᤱᤘᤠ᤹ ᤂᤥ᤺ᤛᤢᤱ–ᤀᤡᤱᤃᤠ᤹ ᤏᤢ᤺ᤒᤠ ᤐᤠ᤺ᤴ ᤆᤥ᤺ᤰᤔᤠ ᤏᤡᤱᤘᤠ᤹ ᤆᤥᤃᤢᤱᤅᤡᤸᤗᤧ ᤋᤠᤵᤑᤧ᤺ᤶᤒᤠᤴ ᤀᤡᤱᤃᤠ᤹ᤏᤢᤀᤣ ᤘᤠ᤹ᤖᤥ॥

²²ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤀᤠᤛᤡᤰᤗᤢᤱᤔᤥᤏᤢᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤠᤶᤕᤥᤌᤡᤶᤔᤥ ᤛ᤺ᤳᤋᤠᤖᤥ॥

²³ᤁᤖ ᤀᤡᤱᤃᤠ᤹ᤀᤥᤃ ᤘᤣ᤹ᤛ᤻ᤔᤠ ᤔᤢᤰᤛᤠᤶᤔᤡᤸᤗᤧ ᤕᤠ᤺ᤶᤒᤰ ᤆᤥᤃᤢᤒᤠ ᤏᤡ᤺ᤛᤢᤱ॥ ᤂᤧᤴ ᤔᤢᤰᤛᤠᤶᤔᤡᤸᤗᤧᤃ ᤀᤡᤱᤃᤠ᤹ ᤀᤠᤒᤠᤅᤣ ᤀᤠᤏᤡᤱᤘᤠ᤹ᤀᤡᤸᤗᤧ ᤀᤡ᤺ᤵᤔᤠ ᤏᤠ᤺ᤵᤔᤠ ᤁᤥ᤺ᤳᤋᤢᤒᤠ ᤌᤡᤶᤔᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤌᤱ ᤆᤥᤃᤢ᤹. ᤜᤧᤰᤁᤩᤠᤱ ᤗᤠᤕᤥᤀᤥ ᤐᤢᤱᤗᤠᤎᤠᤒᤠ ᤆᤥ᤺ᤰᤁᤠᤀᤠᤱ ᤗᤠᤕᤥ᤺ᤸᤗᤧ ᤀᤡᤱᤃᤠ᤹ ᤕᤢᤰᤁᤠᤖᤥ॥

²⁴ᤀᤣ. ᤀᤡᤱᤃᤠ᤹ᤃ ᤀᤠᤰᤂᤧᤴ ᤛᤠ᤹ᤖᤡᤰ ᤐᤵᤐᤪᤠᤔᤠ ᤔᤏᤠᤀᤠᤒᤣ᥅ ᤁᤴ ᤗᤠᤕᤥ ᤏᤢ ᤛᤡ᤺ᤔᤧᤸᤗᤧ ᤕᤢᤰᤋᤢᤒᤠ ᤜᤡᤱᤔᤴᤗᤠᤶ ᤜᤠ᤺ᤳᤗᤧ ᤛᤧ᤺ᤵᤔᤠ ᤛᤢᤰᤁᤠᤒᤣ᥅