Rom 7:16-24

¹⁶Ne ya tat anuina tapena guegue ame iup namua Mosis seni iwa mega ne den umap waivin.

¹⁷Ap menan ya tat anuna tapena guegue koewa ame ne inak nega ewakewa gapan da uon go koewa potanap wandini taiwan.

¹⁸Imuna potana gapan kakaewa da ya wandia. Kakaewa tat anuivin go tapen taingina aro ne inanap uon.

¹⁹Ne kakaewa tat anuna ya taivin koeragewa ya tat anuna di taivin.

²⁰Ap menan ya tat anuna tapena guegue koerage ame ne inak nega ewakewa gapan da uon go koewa potanap wandini taiwan.

²¹Tat yaunewa da potanap wandini anuivin, ne kakaewa tat anuivin go koewa inanap yoniwan.

²²Ne bumagan makewa gapan God iup mega atonua baware anuivin.

²³Go ne etuna gapan tat yaunewa da ugup taiwandin anuivin. Menan bumagan makewa ge etuna dere anan wariwanum. Go koewa tat yaunewa ne potanap wanden nao warini gapan ne koewa anun taivin.

²⁴Akae, ne bagu sisi anuivin. Etuna bop neginewa wat naunegen aeni menan da wat inakam nimanegeta?