Rom 7:16-24

¹⁶Na tahuna a rata a maki hale a koi ni rata, a matakilaka vona a vinara a maki kamumu.

¹⁷I mavonga i uka ma a ningaru nau a rata a naro hale. A rata a vuhuna ra ningaru hale pololilo na kakaigu i tora hateka.

¹⁸A lohoka vona, i uka tara maki kamumu vona a ningaru hale na kakaigu. A ngaru ni rata a naro kamumu, pali iau a keri.

¹⁹A naro kamumu ta ga ratea, i uka ma a ratea. Pali a naro hale a koi ni rata, a rata bala.

²⁰Na tahuna a rata a maki a koi ni ratana, i uka ma a rata a vuhuna a ngaru ni rata. A rata a vuhuna a ningaru hale na kakaigu i rata iau.

²¹Ngane a matakilaka vona a naro iea: na tahuna a ngaru ni rata a naro kamumu, a naro hale i lapi iau pali.

²²A hategu i vivi vona a Vinara na Vure.

²³Pali iau a masia a vilo tara i leho na kakaigu, i rata vabinga na vilo kamumu a ngaru. A vilo tara i leho na kakaigu, ra vilo na naro hale, i rata iau ge iau a vorakato.

²⁴A matasia polo iau! E rei ge vakamatukapaga iau na ningaru hale na kakaigu, ra ri vakabele a matenga?