16ታኒ ኢፂያዋ ኦꬂያዋ ጊዶፔ፥ ሂጊ ሎዓ ጊዲያዋ ማርካታይ።
17ሄዋ ጊዶፔ፥ ሄ ዬዉዋ ታ ቦላ ዴዒያ ናጋራይ ኦꬂያዋፔ ኣቲን፥ ሃዒ ታኒ ኦꬂኬ።
18ታናን፥ ሄዌኔ ታ ኣሳቴꬃን ሎዖባይ ዴዔናዋ ታኒ ኤራይ፤ ኣዪሲ ጎፔ፥ ሎዖባ ኦꬂያ ኣሙ ታ ቦላ ዴዖፔካ፥ ታኒ ሄ ሎዖባ ኦꬃናናው ዳንዳዪኬ።
19ታኒ ኢፂያ ኢታባ ኦꬃይፔ ኣቲን፥ ታኒ ዶሲያ ሎዖባ ኦꬂኬ።
20ሺን ታኒ ኢፂያዋ ኦꬂያዋ ጊዶፔ፥ ሄዋ ታ ቦላ ዴዒያ ናጋራይ ኦꬂያዋፔ ኣቲን፥ ሃዒ ሄዋ ኦꬂያዌ ታና ጊዲኬ።
21ሲሚ ታኒ ሎዖባ ኦꬃናው ዶሲሺን፥ ኢታባ ኦꬂያዌ ታው ሂጌ ጊዲያዋ ዴማዲ።
22ኣዪሲ ጎፔ፥ ታኒ ታ ዎዛና ጊዶን ፆሳ ሂጊያን ናሼታይ፤
23ሺን ታ ቦላ ጊዶን ዴዒያ ታ ዎዛና ቆፋ ሂጊያና ዋꬌቲያ ዱማ ሂጊያ ቤዓይ። ሄ ሂጊ ታ ቦላ ጊዶን ዴዒያ ናጋራ ኦሲሲያ ሂጊያን ታና ቃሺሴ።
24ታኒ ኣይባ ናሼቺ ባይና ኣሴ! ታና ሃይቆ ኣፊያ ሃ ኣሳቴꬃፔ ኣሻናዌ ኦኔ?
ሮሚያ 7
ሮሚያ 7:16-24