Text copied!
CopyCompare
ᤏᤡᤱᤘᤠ᤹ᤑᤢ ᤐᤠ᤺ᤴᤈᤠᤰ ᤁᤢᤛᤱ ᤔᤠᤱᤜᤢᤵ - ᤖᤥᤔᤡ - ᤖᤥᤔᤡ 6

ᤖᤥᤔᤡ 6:15-23

Help us?
Click on verse(s) to share them!
15ᤁᤴ ᤁᤠᤰ ᤑᤠ᤹ᤀᤡᤱᤃ ᤌᤧᤔᤠᤒᤣ᥅ ᤀᤠᤏᤡ᤹ ᤛᤠᤶᤕᤥᤌᤡᤶᤔᤡᤸᤗᤧ ᤁᤢᤕᤢᤰᤁᤥ ᤀᤠᤜᤥ᤺ᤵ ᤁᤖ ᤏᤡᤱᤘᤠ᤹ᤑᤢ ᤗᤢᤱᤃᤢᤶᤔᤡᤸᤗᤧ ᤁᤢᤕᤢᤰᤁᤥ ᤀᤠᤘᤠ᤹ᤒᤠᤸᤗᤧ ᤗᤠᤕᤥ ᤆᤥᤃᤢᤶᤒᤡ᥅ ᤀᤠᤵᤑᤠᤸᤗᤧᤀᤠᤱ ᤆᤥᤃᤢᤶ ᤔᤧ᤺ᤴ᥄
16ᤀᤠᤳᤋᤡᤴᤜᤠ᤹ ᤀᤡᤱᤈᤠ᤺ᤱ ᤂᤧᤶᤔᤠ ᤁᤧᤍᤧᤴᤍᤡ᤹. ᤒᤠ ᤂᤧᤸᤗᤧ ᤁᤢᤕᤥ᤺ᤰᤐᤠ ᤁᤧᤒᤥ᤺ᤰᤂᤡ᤹ ᤁᤧᤗ᤹ᤒᤠᤴ ᤁᤧᤴᤏᤡ᤺ᤛᤢᤶᤔᤡᤴᤒᤡ᥅ ᤗᤠᤕᤥ᤺ᤸᤗᤧ ᤁᤢᤕᤥ᤺ᤰᤐᤠ ᤁᤧᤒᤥ᤺ᤰᤂᤡ᤹ᤏᤧ ᤑᤠ᤹ᤃᤪ ᤂᤡᤏᤡ᤹ ᤁᤧᤛᤩᤧ᤹ᤀᤡ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤀᤡᤱᤈᤠ᤺ᤱᤅᤡᤴ ᤁᤧᤄᤧᤵᤛᤢᤶᤏᤧ ᤑᤠ᤹ᤃᤪ ᤂᤡᤏᤡ᤹ ᤛᤠᤶᤕᤥᤏᤡᤒᤠ ᤁᤧᤒᤥ᤺ᤰᤂᤡ᤹ᤖᤥ॥
17ᤁᤖ ᤂᤡᤏᤡ᤹ ᤗᤠᤕᤥ᤺ᤸᤗᤧ ᤁᤢᤕᤥ᤺ᤰᤐᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡᤛᤠᤱ. ᤀᤠᤸᤗ ᤂᤡᤏᤡ᤹ ᤁᤧᤜᤢ᤹ᤀᤠᤛᤡᤒᤠ ᤏᤡᤛᤠᤶᤔᤡᤴ ᤛᤡᤰᤗᤢᤱᤔᤥᤏᤢᤀᤣ ᤁᤧᤀᤡ᤺ᤵᤐᤠ ᤁᤧᤏᤠ᤺ᤵᤐᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡᤒᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴᤗᤥ॥
18ᤂᤡᤏᤡ᤹ᤃ ᤗᤠᤕᤥᤗᤠᤶ ᤆᤥ᤺ᤰᤕᤢᤶᤓᤥ ᤁᤧᤄᤥ᤺ᤛᤢᤶᤔᤠᤱ ᤛᤠᤶᤕᤥᤏᤡᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤑᤠ᤹ᤀᤠᤱ ᤁᤢᤕᤥ᤺ᤰᤐᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤖᤥ॥
19ᤂᤡᤏᤡ᤹ ᤁᤢᤛᤡᤱ ᤏᤡ᤺ᤵᤔᤠ ᤁᤧᤛᤢᤰᤋᤢᤶᤗ ᤑᤠ᤹ᤀᤠᤱ ᤜᤡᤶᤍᤠᤱᤒᤠᤴ ᤏᤢ ᤕᤥ᤺ᤰᤁᤡᤸᤗᤧ ᤁᤢᤒᤡ᤺ᤴ ᤀᤥᤃᤵ ᤆᤥᤃᤢᤱᤗ ᤐᤳᤋᤠᤖᤥ॥ ᤂᤡᤏᤡ᤹ ᤀᤠᤒᤠᤅᤣ ᤕᤠᤶᤗᤰᤁᤡᤴ ᤋᤃᤡ ᤕᤠᤵᤔᤡ ᤁᤧᤈᤡ᤺ᤶᤒᤠ ᤏᤢ ᤑᤧᤴ ᤕᤠ᤺ᤶᤒᤰᤁᤡᤸᤗᤧ ᤁᤢᤕᤥ᤺ᤰᤐᤠ ᤐᤥ᤺ᤱᤛᤧ ᤁᤧᤍᤥ᤺ᤴᤍᤢᤶᤔᤠᤱ ᤁᤧᤘᤕᤡᤒᤠ ᤁᤢᤀᤡᤛᤡ᤺ᤰ. ᤀᤠᤸᤗ ᤛᤣᤛᤣᤃᤧᤴ ᤛᤢᤳᤌᤥ ᤐᤥ᤺ᤱᤔᤠᤖᤧ ᤗᤠᤃᤡ ᤛᤠᤶᤕᤥᤏᤡᤒᤠᤸᤗᤧ ᤁᤢᤕᤥ᤺ᤰᤐᤠ ᤐᤥ᤺ᤱᤛᤧ ᤂᤡᤏᤡ᤹ ᤕᤠᤶᤗᤰᤁᤡᤴ ᤋᤥ᤺ᤴᤍᤧᤶᤔᤧ᤹ᤀᤥ॥
20ᤂᤡᤏᤡ᤹ ᤗᤠᤕᤥ᤺ᤸᤗᤧ ᤁᤢᤕᤥ᤺ᤰᤐᤠ ᤁᤧᤘᤕᤡᤸᤗᤧ ᤛᤠᤶᤕᤥᤏᤡᤒᤠᤸᤗᤧ ᤁᤢᤕᤢᤰᤁᤥ ᤁᤧᤜᤥ᤺ᤵᤋᤡᤖᤥ॥
21ᤂᤧᤴ ᤕᤧᤶᤔᤥ ᤁᤧᤈᤥᤃᤢᤶᤒᤠ ᤐᤠ᤺ᤴᤜᤠ᤹ᤗᤠᤶ ᤀᤠᤸᤗᤥ ᤛᤡᤖᤡᤱ ᤁᤧᤔᤕᤡᤸᤗᤧ ᤌᤣ ᤀᤡᤴᤎᤠ᤺ᤰ ᤁᤧᤄᤥ᤺ᤛᤢᤶᤒᤣ᥅ ᤁᤢᤏᤢᤵᤔᤥᤃ ᤂᤧᤴ ᤐᤠ᤺ᤴᤜᤠ᤹ᤖᤧ ᤔᤧᤴᤏᤢᤵᤔᤏᤠᤒᤠ ᤛᤡ᤺ᤔᤧᤴᤏᤥ ᤁᤧᤃᤧᤳᤋᤡ᤹ᤖᤥ॥
22ᤁᤖ ᤀᤠᤸᤗᤥᤃ ᤂᤡᤏᤡ᤹ ᤗᤠᤕᤥᤗᤠᤶ ᤆᤥ᤺ᤰᤕᤢᤶᤓᤥ ᤁᤧᤄᤥ᤺ᤛᤢᤶᤔᤠᤱ ᤁᤧᤘᤕᤡ᤹. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤕᤥ᤺ᤰᤐᤠ ᤁᤧᤒᤥ᤺ᤰᤂᤡᤀᤠᤱ ᤁᤧᤘᤕᤡ᤹ᤖᤥ॥ ᤂᤧᤸᤗᤧᤃ ᤛᤣᤛᤣᤃᤧᤴ ᤛᤢᤳᤌᤥ ᤁᤧᤈᤥᤃᤡ᤹. ᤜᤧᤰᤁᤩᤠᤱ ᤁᤢᤏᤢᤵᤔᤥ ᤂᤧᤸᤗᤧ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤏᤥ ᤁᤧᤃᤧᤳᤋᤡ᤹ᤖᤥ॥
23ᤌᤣᤀᤠᤱᤓᤧᤸᤗᤧ ᤗᤠᤕᤥᤖᤧ ᤀᤠᤒᤡᤒᤠ ᤏᤠᤶᤕᤠᤰᤁᤡᤱᤃ ᤛᤡ᤺ᤔᤧᤴᤗᤥ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤶᤓᤠ ᤀᤠᤒᤡᤒᤠ ᤐᤷᤎᤠ᤺ᤶᤔᤡᤱᤃ ᤀᤠᤏᤡ᤹ ᤍᤠᤱᤒᤠ ᤂᤪᤡᤛ᤻ᤋ ᤕᤧᤛᤢᤀᤥᤗᤠᤶ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤗᤥ॥

Read ᤖᤥᤔᤡ 6ᤖᤥᤔᤡ 6
Compare ᤖᤥᤔᤡ 6:15-23ᤖᤥᤔᤡ 6:15-23