رْ مَ 6:15-23

¹⁵وٌن قَ نَ مَ دِ؟ سّرِيّ شَ نْي تٌ مُ وٌن قَرِ سْنْن وٌن تٌ قَ نَ عَلَ شَ هِننّ نَن كُي، وٌن شَ يُنُبِ رَبَ يِرٍ؟ عَستْقُلَهِ!

¹⁶وٌ مُ عَ كٌلٌن عَ وٌ نَ وٌ يّتّ قِندِ مِشِ ندٍ شَ كٌنيِ رَ، قٌ وٌ شَ عَ شَ يَامَرِ بِرِن نَبَتُ؟ وٌ مُ عَ كٌلٌن عَ وٌ نَ نَشَن شَ يَامَرِ رَبَتُ، نَ نَن قِندِشِ وٌ مَرِفِ رَ، عَ نَ قَ قِندِ يُنُبِ رَ نَشَن وٌ شَنِنمَ قَشّ مَ، شَ نَ مُ عَ قِندِ عَلَ رَ نَشَن وٌ شَنِنمَ كِسِ مَ؟

¹⁷كْنْ عَلَ تَنتُ! وٌ تَن نَشٍيٍ نُ قِندِشِ يُنُبِ شَ كٌنيِيٍ رَ، نْندِ تٌ كَوَندِ وٌ بّ، وٌ نَ نَن نَبَتُقٍ قَ وٌ بْحّ بِرِن نَ.

¹⁸وٌ بَرَ شْرّيَ يُنُبِ شَ كٌنيِيَ مَ، وٌ قَ قِندِشِ عَلَ شَ كٌنيِيٍ نَن نَ، عَلَكٌ وٌ شَ بِرَ تِنشِنيِ قْشْ رَ.

¹⁹ﭑ وْيّنقٍ نّ وٌ بّ عَلْ مِشِيٍ وْيّنمَ كِ نَشّ، عَلَكٌ وٌ شَ قَهَامُي سْتْ. سِنفٍ رَ نُ، وٌ نُ وٌ يّتّ قِندِشِ يُنُبِ شَ كٌنيِيٍ نَن نَ، وٌ شَ وَلِ كٌبِيٍ نُ سِفَ شُن مَسَ رَ تُن. كْنْ يَكْسِ، وٌ شَ قِندِ تِنشِنيِ نَن شَ كٌنيِيٍ رَ، وٌ لُ سّنِيّنيِ كِرَ شْن.

²⁰وٌ تٌ نُ نَ يُنُبِ شَ كٌنيِيَ كُي، تِنشِنيِ شَ نْي يٌ مُ نُ نَ وٌ قَرِ.

²¹وٌ نُ حّرّ مَ قٍ كٌبِ نَشٍيٍ كُي، وٌ قَ يَافِشِ نَشٍيٍ رَ تٌ، نٍيٍ مُنسٍ قَنشِ وٌ مَ؟ قَشّ فبَنسَن نَن قَمَ نَ قٍ مْولِيٍ شَنبِ رَ.

²²كْنْ يَكْسِ، وٌ تٌ بَرَ مِنِ يُنُبِ شَ كٌنيِيَ كُي، وٌ قِندِ عَلَ شَ كٌنيِيٍ رَ، وٌ سّنِيّنيِ نَن سْتْقٍ يِ كِ نَشَن عَ نِيَمَ وٌ شَ كِسِ عَبَدَن.

²³بَرِ مَ يُنُبِ سَرٍ قِندِشِ قَشّ نَن نَ، كْنْ عَلَ شَ كِ قِندِشِ عَ شَ هِننّ نَن نَ؛ وٌن شَ كِسِ عَبَدَن وٌن مَرِفِ عِسَ سَابُي رَ، عَلَ شَ مِشِ سُفَندِشِ.