ፆኦሲ ማዾ''ም ዳኪንቴዞንሢኮ ማዾ'' 23:26-34

²⁶«ቦንቺንታያና ዓጮ'' ዎይሣያና ማዔ ፒልኪሴም፤ ሓይ ኪኢታ ዳኪንቴሢ፦ ቄላውዲዎስ ሉሲያይዳፓኬ፤ ኔ ኮሺዳ?

²⁷ሓያ ዓሢ ዓይሁዴ ዓሳ ዓርቂ ዎዻኒ ጋዓንቴ ዒዚ ሮሜ ዓጪ ዓሲ ማዔሢ ታ ዔሬሢሮ ታኣኮ ፖኦሊሶና ዎላ'' ታ ሙኪ ዒዛ ዻቂሼኔ።

²⁸ዓይጎ ዛላና ዓሳ ዒዛ ዎጎና ዓይሢሳኒ ኮዔቴያ ዔራኒ ዔያቶኮ ዎጎ ዎጋ ዓሶ ቤርቶ ዒዛ ታ ሺኢሼኔ።

²⁹ጋዓንቴ ዔያታ ዓይሢሳኒ ኮዓሢ ፔ ዎጎ ዛሎ'' ባኣዚ''ና ማዔሢ ታ ዔሬኔ፤ ሓሣ ሓያ ዓሢ ሃይቢና ቱኡሲናም ሄሊ''ሳ ባኣዚ'' ባኣሴ።

³⁰ሓያ ዓሢ ዎዺሢሮ ዒዛይዳ ፑርታ ማሊሢ ማሊንቴሢ ታ ዋይዛዖ ኔጉዋዖ ኔ ባንሢ ታ ዳኬኔ፤ ዎጎና ዓይሢሳኒያ ኮዓ ዓሳኣ ፔኤኮ ሓይሶ ኔ ቤርታ ሺኢሻንዳጉዲ ታ ዔያቶም ኬኤዜኔ።»

³¹ዬያሮ ዖሎ ዓሳ ዓይሢንቴ ጎይፆና ጳውሎሴ ዹማ ዔኪ፥ ዓንቲጳፂሪሴ ጌይንታ ዓጮ'' ሄሊ''ሴኔ፤

³²ዚሮ ጉቴ''ሎ ፓራሢና ዎላ'' ዓኣ ዓሳ ጳውሎሴና ዎላ'' ዴንዳንዳጉዲ ማሃዖ፥ ዔያታ ጊንሣ ፔ ቤዞ ማዔኔ።

³³ፓራሢና ዓኣ ዓሳ ቂሳሪያ ሄላ''ዖ ዳኪንቴ ኪኢቶ'' ዓጮ'' ዎይሣሢም ዒንጊ፥ ጳውሎሴ ዒዛ ቤርቶ ዔኪ ሺኢሼኔ።

³⁴ዓጮ'' ዎይሣሢ ኪኢቶ'' ዛጌስካፓ ጳውሎሴ ኮራ፦ «ኔ ዓጮ''ኮ ዎኖ ቤዛፓዳይ?» ጌዒ ዖኦጪ፥ ኪልቂያ ዓጪ ዓሲ ማዔሢ ዔራዖ፦