Föför 23:26-34

²⁶“Ngang Klautius Lisias üa kapong ngeni en ämäfen kepina Feliks:

²⁷Ekewe chon Juta ra turufi ei mwän o ra sotun niela. Iwe, üa rong pwe i eman chon Rom, iei mine üa fiti nei kewe sounfiu o amanaua.

²⁸Üa mochen silei met popun ar atipisi, iei mine üa emwenatiu lon ar we mwichen soupwüng.

²⁹Iwe, üa küna pwe esap föri och mine epwe tipisin mäla ren ika tolong lon imwen fötek. Ar kewe kapasen tipi ngeni ra pop seni ekewe kapasen anini usun püsin ar kewe allük.

³⁰Nge lupwen ar asile ngeniei, pwe ekoch chon Juta ra rawangauei ei mwän, üa müttir tinala reöm. Iwe, üa üreni ekewe chon atipisi, pwe repwe feila reöm o pwäri ngonuk me mwomw ar kewe kapasen tipi ngeni.”

³¹Iwe, ekewe sounfiu ra apwönüetä mine ewe sounemenem a fen allük ngeniir. Ra angei Paulus o uweela lon ewe pwinin tori Antipatris.

³²Sorotän ewe rän ekewe sounfiu mi fetal ra liwinsefäliti ewe lenien sounfiu o likiti ngeni ekewe chon wawa oris pwe repwe sopwela le emweni Paulus.

³³Iwe, ra emwenala tori Seserea, ra ngeni ewe kepina ewe toropwe o ra atolonga Paulus fän nemenian.

³⁴Ewe kepina a aleani ewe toropwe o aisini Paulus meni fanü a feito seni. Iwe, lupwen a silei pwe Paulus a feito seni ewe fanü Silisia,