Aposotolo Adi Hewau 23:26-34

²⁶“Eau Kalaodia Lusia ea uriyawa oa gavana Peliki, taulailai, eauedo.

²⁷Teina tau ta Iudea tataodi se toai, ia bena se unui; eau ea dobi ma agu bodao ai eligirihai, paana ea ataieyao ia Roma.

²⁸Ana mata‐paana hinage ea eooi arinai ede ea woeadobei sunederi matadi eai.

²⁹Ana mata‐paana ede abo ea italobai edi laugagaeo mo ribadi, isi se ribahepai bena se unugaibui mo, ana mata‐paana nige’e arinai taba se unuhemate e se tutugudui.

³⁰Wasana abo se heribagu si ene headi ia se wesewesei, arinai tau ta ea hetamariheulaiyawa, ia tauhegiruna hinage abo ea hetaladuidi edi lauhegiru oa matam eai se ribaei. Aioni.”

³¹Iala tataodi i hetaladuidi wa ia awana se abi, Paulo abo se laei maiona eai se lage Anatipateri eai.

³²Mara‐ie‐tom se uio numa lailai eai, hosi taugeruidi mo isi bom ia maedi se lau.

³³Isi se lage Kaisarea eai, leta wa se mosei gavana arinai, eo Paulo hinage se laei ia nuanuana eai.

³⁴Gavana leta wa i hasiri abo i hesio, i ene, “Oa aitea teha tauna?” Ia abo i nuatui ia Kilikia tauna;