ሮሚያ 7:8-14

⁸ሺን ናጋራይ ታኒ ኡባባ ኣሞታና ማላ፥ ኣዛዙዋ ባጋና ታ ቦላ ኦጊያ ዴሜዳ፤ ኣዪሲ ጎፔ፥ ሂጊ ባዌንቶ፥ ናጋራው ዎልቃይ ባዋ።

⁹ካሴ ሂጊ ባይና ዎዴ ታኒ ፓፃ፤ ሺን ኣዛዙ ዬዳ ዎዴ ናጋራይ ዴዖ ሲሚና፥

¹⁰ታኒ ቃሲ ሃይቃዲ፤ ታና ፓፃ ዎꬃናው ፆሳይ ቆፔዳ ኣዛዙ፥ ታው ሃይቁዋ ኣሄዳ።

¹¹ኣዪሲ ጎፔ፥ ናጋራይ ኣዛዙዋ ባጋና ታና ጪሚያ ኦጊያ ዴሚዴ፥ ሄ ኣዛዙዋን ታና ዎꬌዳ።

¹²ሄዋ ዲራው፥ ሂጊ ጌሻ፤ ኣዛዙካ ጌሻ፥ ፂላኔ ሎዓ።

¹³ያቲና፥ ሎዖባይ ታው ሃይቁዋ ኣሄዴ? ሄዋ ጊዴና፤ ሺን ታው ሄዋ ናጋራይ ኣሄዳ፤ ኣሳይ ናጋራይ ኣዬንቶ ሻኪዴ ኤራና ማላ፥ ናጋራይ ሎዖባ ባጋና፥ ታው ሃይቁዋ ኣሄዳ። ቃሲ ኣዛዙ፥ «ኦኒኔ ናጋራ ኦꬃናው ቤሴና» ያጊያ ዲራው፥ ናጋራይ ካሴዋፔ ኣꬊ ኢቴዳ።

¹⁴ኑኒ ሂጊ ፆሳዋ ጊዲያዋ ኤሬቶ፤ ሺን ታኒ ታና ናጋራው ዛሊዔዳ ሃይቂያ ኣሳ፤