Rom 7:8-14

⁸Nge tipis a küna eu fansoun mi fich pwe epwe afisätä sokopaten mochenia lon ngang ren ewe allük. Pun are esap wor allük, tipis esap wor an manaman.

⁹Me lom üa manau lupwen esamwo wor allük mi aiti ngeniei pwe a tipis ai föri föför mi ngau. Nge lupwen üa silei ewe allük, tipis a popuetä le nemenem.

¹⁰Iwe, üa mäla. Itä ewe allük epwe aworato manau, nge a chök aworato mäla ngeniei.

¹¹Tipis a küna eu fansoun mi fich, o ren ewe allük tipis a atupuei o nieila.

¹²Iei usun än Moses kewe Allük ra pin o mine ewe allük a apasa a pwüng o mürina.

¹³Met wewen ei? Epwe wewen pwe mine a mürina a aworato ai mäla? Apwi, esap fokun ina! Tipis a föri ei. Ren an aea mine a mürina, tipis a aworato mäla ngeniei, pwe epwe pwäpwäla wesewesen lapalapen tipis. Iei usun ren ewe allük a pwäla pwe tipis a fokun ngau.

¹⁴Kich mi silei pwe ewe Allük sokun ngün, nge ngang sokun fituk, pwe üa nom fän nemenien tipis.