8मिनु नोले मेकोमी हारून कली कुचुम रेल्तीक झोला रेल्ताक्व, मिनु मेको आगा “ऊरीम नु थुम्मीम” कुर पाप्तु। ऊरीम नु थुम्मीम कली छेङछेङ नु निसाफ पतीके देंसीब। परमप्रभु यावे आ देंशो कोंइब बाक्ब।प्रस्थान २८:३०
9मिनु मेको आ पियाम गुप्तीके गुप्ताक्व। मिनु सुन के मुशो कुप्फीम पांइतीके “परमप्रभु यावे कली ला” दे मेको आ ङोंइती गे पांइताक्व। परमप्रभु यावेमी मोसा कली दोदेंशो पा अरेवा, मोदेंशो पा पाप्तु। प्रस्थान २८:३६-३८; लेवी ३९:३०
10मेको नोले मोसामी लुक्तीक तेल चाक्शा परमप्रभु यावे आ बाक्तीके नु मेकेर बाक्शो मारेइ मारेइ आन कली ब्रुइश्शा, “परमप्रभु यावे केन बाक्ब” दे चोव़खो सेल्तु।