ܡܙܡܘܪ̈ܐ 99:3-9

³ܫܲܟܪܝܼ ܠܫܸܡܘܼܟ݂ ܓܘܼܪܵܐ ܘܣܲܗܡܵܢܵܐ، ܩܲܕܝܼܫܵܐ ܝܠܹܗ ܗ̇ܘ.

⁴ܥܘܼܫܢܵܐ ܕܡܲܠܟܵܐ ܟܹܐ ܡܲܚܸܒ ܕܝܼܘܵܢ، ܐܲܢ݇ܬ ܡܘܼܩܘܹܐ ܠܘܼܟ݂ ܬܪܘܼܨܘܼܬܵ‌ܐ، ܕܝܼܘܵܢ ܘܙܲܕܝܼܩܘܼܬܵ‌ܐ ܒܝܲܥܩܘܿܒ݂ ܐܲܢ݇ܬ ܥܒ݂ܝܼܕ ܠܘܼܟ݂.

⁵ܡܲܪܡܘܼܢ ܠܡܵܪܝܵܐ ܐܲܠܵܗܲܢ، ܘܣܓ݂ܘܿܕܘܼܢ ܠܟܘܼܒ݂ܫܵܐ ܕܐܲܩܠܵܬܘܼ̈ܗ‌ܝ، ܩܲܕܝܼܫܵܐ ܝܠܹܗ ܗ̇ܘ.

⁶ܡܘܼܫܹܐ ܘܐܲܗܪܘܿܢ ܓܵܘ ܟܵܗܢܘܼ̈ܗ‌ܝ، ܘܫܡܘܼܐܹܝܠܔ ܒܩܵܪ̈ܝܵܢܹܐ ܕܫܸܡܹܗ، ܟܹܐ ܩܵܪܝܼ ܗܘܵܘ ܠܡܵܪܝܵܐ، ܘܗ̇ܘ ܟܹܐ ܓ̰ܲܘܸܒ ܗܘܵܐ ܠܗܘܿܢ.

⁷ܒܣܛܘܼܢܵܐ ܕܥܢܵܢܵܐ ܟܹܐ ܗܲܡܙܸܡ ܗܘܵܐ ܥܲܡܵܝܗ‌ܝ، ܢܛܝܼܪܗܘܿܢ ܣܵܗܕܘܵܬܘܼ̈ܗ‌ܝ ܘܩܵܢܘܿܢܵܐ ܕܝܘܼܗܒܹܠܔ ܠܹܗ ܐܸܠܵܝܗ‌ܝ.

⁸ܝܵܐ ܡܵܪܝܵܐ ܐܲܠܵܗܲܢ، ܐܲܢ݇ܬ ܩܵܡ ܓ̰ܲܘܸܒܸܬ ܠܗܘܿܢ، ܐܲܠܵܗܵܐ ܫܵܒ݂ܩܵܢܵܐ ܗܘܹܐ ܠܘܼܟ݂ ܐܸܠܵܝܗ‌ܝ، ܘܗܸܫ ܫܵܩܠܵܢܵܐ ܕܬܘܼܥܠܵܐ ܥܲܠܔ ܦܘܼܠܚܵܢܵܝ̈ܗ‌ܝ.

⁹ܡܲܪܡܘܼܢ ܠܡܵܪܝܵܐ ܐܲܠܵܗܲܢ، ܘܣܓ݂ܘܿܕܘܼܢ ܠܓܹܒܵܐ ܕܛܘܼܪܵܐ ܕܩܘܼܕܫܹܗ، ܣܵܒܵܒ ܩܲܕܝܼܫܵܐ ܝܠܹܗ ܡܵܪܝܵܐ ܐܲܠܵܗܲܢ.