Yabura 99:3-9

³E xa i xili xungbe magaaxuxi matɔxɔ a xa sɛniyɛnyi xa fe ra.

⁴Mangɛ sɛnbɛ xa matɔxɔ, tinxinyi rafan a ma, a kiiti sama nɔndi ra Yaxuba xa bɔxi ma.

⁵Wo Marigi Alatala matɔxɔ, wo wo magoro a bun ma a xa sɛniyɛnyi xa fe ra.

⁶Munsa nun Haruna nu na a xa sɛrɛxɛdubɛe ya ma, Annabi Samuweli nu na mixie ya ma naxee a maxandima. E to a xili, a naxa e yaabi.

⁷A to sɛriyɛ nun yaamari masen e bɛ nuxui kui, e naxa a xui suxu.

⁸Muxu Marigi Alatala, i bara e xa maxandi suxu. I to Isirayila ɲaxankata e xa yunubi xa fe ra, i man bara diɲɛ e ma.

⁹Wo xa wo Marigi Alatala matɔxɔ, wo xa wo xinbi sin a xa geya sɛniyɛnxi fari, barima won Marigi Alatala sɛniyɛn!