Pisalem 99:3-9

³Nia daangada huogodoo ga hagaamu di aamua mo di madamada o di ingoo o Maa. Mee e dabuaahia!

⁴Meenei di King Aamua, Goe e aloho i nia mee ala e donu. Goe ne haganoho ang gi digau Israel gi mouli i di mouli dela e donu. Goe ne gaamai di tonu mo di humalia.

⁵Hagaamu ina Dimaadua, go tadau God, mo di daumaha gi Mee i mua di lohongo king o Maa! Mee e dabuaahia!

⁶Moses mo Aaron ala go ana daangada hai mee dabu aamua, gei Samuel la go tangada dela ne dalodalo gi Mee. Digaula ne gahigahi a Dimaadua, gei Mee gu helekai mai gi digaula.

⁷Mee ne helekai gi digaula mai i di waduu gololangi. Digaula gu haga kila aga nia haganoho mono helekai ala ne wanga go Mee gi digaula.

⁸Meenei Dimaadua, go di madau God, Goe gu helekai gi au daangada. Goe gu hagamodongoohia gi digaula bolo Goe di God dela e dumaalia, ma e aha maa Goe e dadaaligi digaula i nia huaidu digaula.

⁹Hagaamu ina Dimaadua, go tadau God, mo di daumaha i hongo di gonduu haga madagu! Dimaadua, go tadau God le e dabuaahia huoloo!