SALMOS 99:3-9

³Nochi ma quihueyichihuaca Toteco, yaya catli hueyi huan temajmati. San ya nelía tlatzejtzeloltic.

⁴Toteco yaya se tlanahuatijquetl catli quipiya nochi chicahualistli, huan quipactía tetlajtolsencahuas xitlahuac. Nochi catli quichihua senquistoc cuali. Yaya quinchihuilijtoc catli xitlahuac nochi israelitame.

⁵¡Ma tijhueyitlalica TOTECO, yaya toDios, yaya catli tlatzejtzeloltic! Ma timotlancuaquetzaca huan ma timoixtlapachoca hasta tlalchi iicxitla, pampa san yaya tlatzejtzeloltic.

⁶Quema nopa totajtzitzi Moisés huan Aarón, huan nopa tlajtol pannextijquetl Samuel, quitzajtziliyayaj TOTECO para quitlajtlanise itlapalehuil, yaya quinnanquiliyaya.

⁷Toteco quincamanalhui ipan se mixtli, huan inijuanti quichijque nochi catli quiijto icamanal huan itlanahuatilhua. Quena, inijuanti quichijque nochi catli quinilhui ma quichihuaca.

⁸Quena, TOTECO, ta titoDios, ta tiquinnanquili. Ta tieli se Dios catli tiquintlapojpolhuía inintlajtlacolhua masehualme. Pero nojquiya tiquintlatzacuiltía quema quichihuayayaj tlamantli catli amo cuali.

⁹Ma tijhueyitlalica TOTECO huan ma tijhueyichihuaca. Ma timotlancuaixtlapachoca iixtla ipan nopa tepetl tlatzejtzeloltic catli itoca Sion.