Legic 99:3-9

³Énézéna ieneŋ qacga yanda welic welicgia imi mepésimu. Inéŋ téréya wanʒac!

⁴Ic kewunina imi kuhaguc. Inéŋ ʒégésigési dindiŋawac siŋa niŋanʒac. Inéŋ haka keŋkésa hakésaya qahac imi kumuyec. Yakoboac ichéra ionac sucginaiguc héna aciguc nanaŋ seli ʒéma haka solaŋa kumuyec.

⁵Ini Yawe Anutunina meyacmima iwac héniaiguc mepésimu. Inéŋ téréya wanʒac.

⁶Hofac oo ichéra ionarunec imi Mose ʒéma Aron, waŋu Anutuac qara qacanʒu ionarunec imi Samuel, ic imuhucyanéŋ ewagina mocʒoŋnec Yawe ʒéwelecmigic acgina niŋénécmiyec.

⁷Yawenéŋ hosusu tandéyaiguc namma ionac énézéyu héna ac ʒéma ʒézé seli ac imi niŋtoho waŋgic.

⁸Yawe, Anutunina, gi imi acgina niŋénécminec. Nalé tosiaiguc bakia meleŋ énécminec, néŋ gi imi képésic waiwaiac Anutu kecanʒaŋ.

⁹Ini Yawe Anutunina meyacmima baec boŋa téréya imuaru i mepési mimu. Yawe Anutunina imi téréya wanʒac.