ܡܙܡܘܪ̈ܐ 7:1-15

¹ܝܵܐ ܡܵܪܝܵܐ ܐܲܠܵܗ‌ܝܼ، ܒܝܼܘܼܟ݂ ܫܩܝܼܠܔ ܠܝܼ ܓܵܘܣܵܐ، ܦܲܪܸܩ ܠܝܼ ܡ̣ܢ ܟܠܵܝܗ‌ܝ ܪ̈ܵܕܘܿܦܝܼ ܘܦܲܨܝܼ ܠܝܼ.

²ܠܵܐ ܗܵܘܹܐ ܕܐܲܝܟ݂ ܐܲܪܝܵܐ ܦܲܪܦܸܛ ܠܵܗ̇ ܓܵܢܝܼ، ܦܵܪܹܛ ܟܲܕ ܠܲܝܬ ܦܲܨܝܵܢܵܐ.

³ܝܵܐ ܡܵܪܝܵܐ ܐܲܠܵܗ‌ܝܼ، ܐܸܢ ܥܒ݂ܝܼܕ ܠܝܼ ܐܵܗܵܐ، ܐܸܢ ܐܝܼܬ ܥܵܘܠܵܐ ܒܐܝܼܕܝܼ̈؛

⁴ܐܸܢ ܦܪܝܼܥ ܠܝܼ ܒܝܼܫܬܵ‌ܐ ܠܡ̇ܢ ܕܝܼܠܹܗ ܒܫܠܵܡܵܐ ܥܲܡܝܼ، ܘܣܠܝܼܒ ܠܝܼ ܠܕܲܠܩܘܼܒ݂ܠܵܝܝܼ ܒܠܵܐ ܥܸܠܬܵ‌ܐ؛

⁵ܫܒ݂ܘܿܩ ܢܵܦܹܠܔ ܕܸܫ̃ܡܸܢ ܒܵܬܪ ܓܵܢܝܼ ܘܡܵܛܹܐ ܥܲܠܝܼ، ܘܕܲܫܕܸܫ ܠܐܲܪܥܵܐ ܚܲܝܝܼ̈، ܘܡܲܬܸܒ݂ ܠܥܲܦܪܵܐ ܐܝܼܩܵܪܝܼ. ܣܹܠܵܗ

⁶ܩܘܼܡ، ܝܵܐ ܡܵܪܝܵܐ، ܒܟܲܪܒܘܼܟ݂، ܡܲܪܸܡ ܓܵܢܘܼܟ݂ ܥܲܠܔ ܚܸܡܬܵ‌ܐ ܕܕܸܫ̃ܡܸܢܝܼ̈، ܘܪܥܘܿܫ ܒܘܼܬ ܕܝܼܝܼ ܒܕܝܼܘܵܢ ܕܦܩܝܼܕܵܐ ܝܘܸܬ،

⁷ܘܫܒ݂ܘܿܩ ܟܸܢܫܵܐ ܕܐܸܡܘܵܬܹ̈‌ܐ ܓ̰ܵܡܥܝܼ ܚܵܕܸܪ̈ܘܵܢܘܼܟ݂، ܘܝܬܘܿܒ݂ ܥܲܠܵܝܗ‌ܝ ܕܲܝܵܢܵܐ ܡ̣ܢ ܪܵܘܡܵܐ.

⁸ܡܵܪܝܵܐ ܟܹܐ ܕܵܐܹܢ ܠܥܲܡܡܹ̈ܐ، ܥܒ݂ܘܿܕ ܠܵܗ̇ ܕܝܼܘܵܢܝܼ، ܝܵܐ ܡܵܪܝܵܐ، ܐܲܝܟ݂ ܙܲܕܝܼܩܘܼܬ‌ܝܼ ܘܐܲܝܟ݂ ܬܲܡܝܼܡܘܼܬܵ‌ܐ ܕܐܝܼܬ ܒܝܼܝܼ.

⁹ܗܵܐ، ܫܒ݂ܘܿܩ ܬܵܝܡܵܐ ܒܝܼܫܬܵ‌ܐ ܕܪ̈ܲܫܝܼܥܹܐ، ܘܡܲܩܘܝܼ ܠܙܲܕܝܼܩܵܐ؛ ܝܵܐ ܒܵܚܪܵܢܵܐ ܕܠܸܒܵܘܵܬܹ̈‌ܐ ܘܪܸ̈ܥܝܵܢܹܐ، ܐܲܠܵܗܵܐ ܙܲܕܝܼܩܵܐ.

¹⁰ܡܵܛܵܠܝܼ ܝܠܹܗ ܥܲܡ ܐܲܠܵܗܵܐ، ܦܲܪܩܵܢܵܐ ܕܬܪ̈ܘܼܨܹܐ ܕܠܸܒܵܐ.

¹¹ܕܲܝܵܢܵܐ ܙܲܕܝܼܩܵܐ ܝܠܹܗ ܐܲܠܵܗܵܐ، ܘܓܵܘ ܚܸܡܬܵ‌ܐ ܝܠܹܗ ܐܲܠܵܗܵܐ ܟܠܔ ܝܘܿܡ.

¹²ܐܸܢ ܠܵܐ ܬܲܘܸܒ ܐܢܵܫܵܐ، ܣܲܝܦܹܗ ܒܸܬ ܡܲܚܪܸܦ ܠܹܗ ܐܲܠܵܗܵܐ، ܩܸܫܬܹܗ ܡܬܝܼܚܘܼܗ̇ ܝܠܹܗ ܘܗܘܼܕܪܘܼܗ̇.

¹³ܘܙܲܝܢܹ̈ܐ ܕܡܵܘܬܵ‌ܐ ܗܘܼܕܪܵܝ ܠܹܗ ܐܸܠܹܗ، ܓܹܐܪ̈ܘܼܗ‌ܝ ܥܒ݂ܝܼܕܵܝ ܠܵܗܝܵܢܹ̈ܐ.

¹⁴ܗܵܐ، ܪܲܫܝܼܥܵܐ ܟܹܐ ܕܵܒܹܩ ܚܸܒ݂ܠܹ̈ܐ ܕܥܵܘܠܵܐ، ܘܟܹܐ ܒܵܛܹܢ ܐܘܼܠܨܵܢܵܐ، ܘܝܵܠܹܕ ܦܸܠܡܵܐ.

¹⁵ܒܹܐܪܵܐ ܟܹܐ ܥܵܩܹܪ ܘܚܵܦܹܪ، ܘܢܵܦܹܠܔ ܒܓܘܼܒܵܐ ܕܬܘܼܪܸܨ ܠܹܗ.