Psalms 7:1-15

¹MAIN, i kin liki komui Ieowa, ai Kot. Kom kotin jauaja ia on ai imwintiti kan karoj, o kotin dore ia la,

²Pwe ren der dueta laien amen kol ia di o tapen ia pajan, pwe jota pil amen jaundor.

³Main, ai Kot, ma i wiadar mepukat, o ma pa i kat wiadar japun,

⁴O ma i depukki mejued en akai ar wiawia mau on ia, pwe i dorelar, me imwintiti on ia, ap jota karepa,

⁵A ma jo due, ai imwintiti en kaloke ia, o kol ia di, o tiakedi maur i nani pwel, o kawela mar ai. Jela.

⁶Main, kom kotida ni omui onion o kotin palian makar en ai imwintiti kan, o kotin opadan ia, pwe re kotin inau kidar kapun,

⁷Pwe wei kan pan pokon don ir; o re kotin purodala pweki irail.

⁸Ieowa iei jaunkapun en wei kan. Main, kotin jauaja ia, duen ai pun o duen ai lelapok!

⁹Re kotin kadukiedi mejued en me doo jan Kot akan, ap kotin katenedi me pun kan. Pwe komui Kot pun, kin kotin kajaui monion o mudilik kan.

¹⁰Kot iei pere pa i, me kin kotin jauaja me melel ni monion arail.

¹¹Kot jaunkapun pun amen, me kotin onionada ni ran karoj.

¹²Ma meamen jota pan wukila, a ap kotin ada japwilim a kodlaj o onopada kajik katieu o kainene won i,

¹³O kotin pwil poa kananan kajik katieu men kamela. A kotin kaonopada japwilim a kananan kajik katieu, pwe men karonala.

¹⁴Kilan, a lamelam me dir en jued, a lijenaneki men kaokaoe o pan naitikedi likam.

¹⁵A weiradar por eu o wiadar lolia, ap pein pupedi on lole, me a weiradar.