يَبُرَ 7:1-15

¹دَوُدَ شَ بّيتِ مْولِ ندٍ عَلَتَلَ بّ كُسِ بُنيَمِنكَ شَ قٍ رَ.

²ﭑ مَرِفِ عَلَتَلَ، عِ تَن نَن نَ ﭑ كَنتَمَ رَ. ﭑ نَتَنفَ ﭑ يَشُييٍ مَ، ﭑ بَ عٍ يِ رَ،

³عٍ نَشَ ﭑ قَشَ عَلْ يّتّ مِشِ قَشَمَ كِ نَشّ. عَ نَ نَشَن سُشُ، نَ مُ بَمَ عَ يِ رَ.

⁴ﭑ مَرِفِ عَلَتَلَ، شَ ﭑ بَرَ كْبِرِ رَ مُرُتَ،

⁵شَ ﭑ بَرَ قٍ حَاشِ رَبَ مِشِ رَ، مُشُ نُن نَشَن دْشْشِ بْحّسَ كُي، شَ ﭑ بَرَ ﭑ فٍرٍقَ مُحَ تْوحّفّ كُي،

⁶ﭑ يَشُييٍ شَ ﭑ كٍرِ، عٍ شَ ﭑ مَسْتْ، عٍ شَ ﭑ مَبٌرٌن، عٍ ﭑ قَشَ.

⁷عَلَتَلَ، ﭑ مَلِ، عِ بْحّ شَ تٍ ﭑ يَشُييٍ مَ. ﭑ دّ مّن، سّرِيّ نَ عِ تَن نَشَن يِ رَ.

⁸عِ شَ نْي شَ لُ حَمَيٍ شُن، عٍ شَ لُ عِ شَ يَامَرِ بُن مَ.

⁹عَلَتَلَ، حَمَيٍ مَكِيتِ. عَلَتَلَ، ﭑ مَ نْندِ مَكّنّن عٍ بّ ﭑ مَ تِنشِنيِ نُن ﭑ مَ سّرِيّ بّرّ رَ.

¹⁰دَنيِ سَ قٍ كٌبِ رَبَيٍ شَ قٍ مَ. سّنبّ قِ مِشِ تِنشِنشِيٍ مَ عِ تَن، عَلَ نَشَن تِنشِن، نَشَن بِرِن سٌندٌن مَ قٍ كٌلٌن.

¹¹عَلَ، ﭑ كَنتَمَ نَ عِ تَن نَن نَ، نَشَن مِشِ تِنشِنشِ رَكِسِمَ.

¹²كِيتِسَ قَنيِ نَن نَ عَلَ رَ، نَشَن شْنْمَ تِنشِنتَرٍيٍ مَ تّمُي بِرِن.

¹³شَ مِشِ حَاشِيٍ مُ فبِلٍن عٍ يُفٍ قْشْ رَ، عَلَ عَ شَ سَنتِدّفّمَ رَلُفَنمَ نّ، عَ عَ شَ شَلِ مَشِرِ.

¹⁴عَلَ نَ قَشَتِسٍ يَءِلَنمَ مِشِ حَاشِيٍ نَن شِلِ مَ، عَ عَ شَ تَنبّيٍ دّ قِندِ تّ رَ.

¹⁵مِشِ حَاشِ لُمَ قٍ حَاشِ نَن تُن نَبَ رَ. عَ عَ حْشْ سَ عَ شْن مَ هَن عَ قِندِ عَ رَ.