يۇھاننا 5:5-10

⁵ئەمدى ئۇ يەردە ئوتتۇز سەككىز يىلدىن بېرى ئاغرىق ئازابى تارتقان بىر بىمار بار ئىدى.

⁶ئەيسا بۇ ئادەمنىڭ شۇ يەردە ياتقىنىنى كۆردى ۋە ئۇنىڭ ئۇزۇندىن شۇ ھالەتتە ئىكەنلىكىنى بىلىپ، ئۇنىڭدىن‫‪:‬‬ ــ ساقىيىشنى خالامسەن؟ ــ دەپ سورىدى.

⁷بىمار ئۇنىڭغا جاۋابەن‫‪:‬‬ ــ تەقسىر، سۇ چايقالغاندا مېنى سۇغا چۈشۈرىدىغان ئادىمىم يوق. مەن چۈشەي دېگۈچە، باشقىلار مېنىڭ ئالدىمدا چۈشۈۋالىدۇ، ــ دېدى.

⁸ئەيسا ئۇنىڭغا‫‪:‬‬ ــ ئورنۇڭدىن تۇر، ئورۇن‫‪‎-‎‬‬كۆرپەڭنى يىغىشتۇرۇپ ماڭغىن! ــ دېدى.

⁹ھېلىقى ئادەم شۇئان ساقىيىپ، ئورۇن‫‪‎-‎‬‬كۆرپىسىنى يىغىشتۇرۇپ كۆتۈرۈپ ماڭدى. شۇ كۈنى شابات كۈنى ئىدى.   

¹⁰شۇڭا بەزى يەھۇدىيلار ساقايغان كىشىگە‫‪:‬‬ ــ بۈگۈن شابات كۈنى تۇرسا، ئورۇن‫‪‎-‎‬‬كۆرپەڭنى كۆتۈرۈش تەۋراتتا ساڭا مەنئى قىلىنغان! ــ دېدى.