Johane 5:5-10

⁵Eme moc fowec e puriŋ ecnehuc juhame jara 38 ewec.

⁶Eme Jesuzi ŋic e honerâ dameŋ ʒora fohuc jukac, iŋuc manarâ wiocnerâ muwec: “Go ɋiɋic qacmurâ egarekac me?”

⁷Eme puriŋzi muwec, “Bomboŋ, mo ŋic mo junarekaczi opâ qiriŋ qaha riqicko râecnuzac? Â no nahac huzo mupe ine moczi biac âkehocnurâ huekac.”

⁸Mume Jesuzi ʒiŋuc âzâcnewec: “Go faharerâ fofoge rorâ rac.”

⁹Mume izia sahac‐ticne biaŋkeme faharerâ fofo‐ticne ameckerâ rawec. Ʒoaŋ ira ine sabata hombaŋ ŋembiŋ.

¹⁰Irec Judaŋic jaŋe ŋic ɋiɋic qawec e ʒiŋuc âzâcnembiŋ: “Miŋecgac hombaŋko fofoge hâpokomec i mi eene.”