يَبُرَ 74:2-23

²عِ شَ رَتُ عِ شَ حَمَ مَ عِ نَشَن شُن سَرَشِ، عِ كّ قِمَ نَشَن مَ، عِ سَبَتِشِ نَشَن يَ مَ سِيٌن فٍيَ مَ.

³عِ شَ عَ يِرٍ مَتٌ عَ يَشُييٍ نَشَن كَنَشِ، عِ شَ عِ شَ هْرْ مْبَنشِ تٌ عٍ نَشَن كَسَرَشِ.

⁴عِ يَشُييٍ بَرَ عٍ شُي عِتٍ عِ شَ نَرَلَن بَنشِ كُي، عٍ بَرَ عٍ شَ قّلّكِيٍ رَتٍ نَا.

⁵عٍ نُ لُشِ عَلْ بٍيرَ كَنيِ نَشٍيٍ قْتْنيِ سّفّمَ.

⁶عٍ بَرَ هْرْ مْلِنفِرَ شُنمَسٍيٍ كَنَ بٍيرَ نُن دّرّ مَيٍ رَ،

⁷عٍ نَا فَن تّ رَ. عٍ بَرَ نَ يِرٍ مَبٍرٍ عِ شِلِ سَبَتِشِ دّننَشّ.

⁸عٍ نُ عَ قَلَمَ نّ عٍ بْحّ مَ، «وٌن شَ عٍ سْنتْ!» عٍ بَرَ عَلَ شَ بَتُدٍيٍ بِرِن فَن.

⁹عِ شَ كَابَنَكٌي مُ تٌمَ، نَمِحْنمّيٍ قَن مُ نَ مُشُ يَ مَ كْرّ. مُشُ مُ عَ كٌلٌن يِ قٍ بُمَ هَن تّمُي مُندُن.

¹⁰عٍٍ عَلَ، يَشُي مَيٍلٍ تِمَ هَن تّمُي مُندُن؟ دَنيِ مُ نَ عٍ شَ كٌنبِيٍ مَ؟

¹¹مُنقٍ رَ عِ مُ عِ سّنبّ مَفَاشُشِ مَسٍن عٍ بّ؟ عِ شَ كٍلِ، عِ شَ عٍ سْنتْ!

¹²كَبِ تّمُي شْنكُيٍ، عَلَ نَن نَ ﭑ مَ مَنفّ رَ، عَ تَن نَشَن قِندِشِ شُننَكٍلِ سَابُي رَ دُنِحَ مَ.

¹³عِ تَن نَن بَا عِبْو عِ سّنبّ رَ، عِ دَالِسٍ مَفَاشُشِيٍ شُنيِيٍ عِبُتُشُن نَا.

¹⁴عِ تَن نَن عٍ شُنيِيٍ عِبُتُشُن، عِ عٍ قِ دٌنسٍ رَ وُلَءِ سُبٍيٍ مَ.

¹⁵عِ تَن نَن دُلٌنيِيٍ نُن شُرٍيٍ رَبْو، عِ تَن نَن دَبٌنيِيٍ رَشْرِ، نَشٍيٍ مُ دَرِشِ شْرِ رَ.

¹⁶يَنيِ نُن كْي قِندِشِ عِ فبٍ نَن نَ، كِكٍ نُن سٌفٍ، عِ تَن نَن عٍ دَاشِ.

¹⁷عِ تَن نَن بْشِيٍ نَانِنيِيٍ بِرِن سَشِ. عِ تَن نَن سٌفٌقُرٍ نُن حّمّ دَا.

¹⁸عِ شَ رَتُ عَ مَ عَ مُشُ يَشُييٍ نَ عِ تَن عَلَتَلَ نَن مَبٍرٍقٍ، حَمَ شَشِلِتَرٍ نَ عِ شِلِ بّشُقٍ!

¹⁹يَندِ، عِ نَشَ عِ شَ حَمَ شَنُشِ رَبٌلٌ عَلْ فَنبّ دِ رَبٌلٌمَ سّفّ يِ رَ كِ نَشّ. عِ نَشَ نّيمُ عِ شَ مِسِكِينّيٍ مَ.

²⁰عِ شَ عِ حْشْ سَ عِ شَ سَاتّ مَ، بَرِ مَ قٍ كٌبِيٍ بَرَ فبٌ يِ بْشِ مَ هَن عَ بَرَ دَنفِ عَ عِ.

²¹عِ نَشَ تْورْ مِشِيٍ لُ عٍ شَ يَافِ كُي. مِسِكِينّيٍ نُن سٍتَرٍيٍ شَ عِ شِلِ مَتْشْ.

²²عَلَ، عِ شَ كٍلِ عِ شِلِ شُنمَقَلَقٍ رَ. عِ شَ رَتُ شَشِلِتَرٍ شَ مَبٍرٍ مَ.

²³عِ نَشَ نّيمُ عِ يَشُييٍ شَ وْيّنيِيٍ مَ، عِ نَشَ نّيمُ عِ فٍرٍقَيٍ شَ سْنشْي مَ نَشَن مُ حْنمَ.